Elde bólip tóleý qyzmetteri zańmen rettelmek
ASTANA. KAZINFORM – Qazaqstanda BNPL naryǵyn retteý úshin jańa zań ázirleý nemese qoldanystaǵy zańnamaǵa túzetýler engizý josparlanyp otyr. Bul týraly Mádına Ábilqasymova málimdedi.
– Tıisti jumys jalǵasyp jatyr. Atalǵan bastama qarjy uıymdaryna jatpaıtyn, alaıda marketpleıster men saýda úıleri usynatyn bólip tóleý qyzmetterin qamtıdy. Mundaı tetikter nesıelik ónimderge tán barlyq belgilerge ıe bolǵandyqtan, olardy retteý qajettiligi týyndap otyr, – dedi ol.
Sonymen qatar jýrnalıster qazaqstandyqtardyń tutynýshylyq nesıeler boıynsha alatyn qaryz somasyna shekteý engizý máselesin kóterdi.
Ábilqasymovanyń aıtýynsha, bul sharany engizý josparlanǵan. Sońǵy málimetke sáıkes, Qazaqstan Ulttyq banki atalǵan normany 2027 jylǵy 1 qańtardan bastap iske qosýdy kózdep otyr.
Jańa talaptarǵa sáıkes, árbir qaryz alýshy úshin jalpy bereshektiń eń joǵary mólsherine qatysty nomınaldy mánde absolıýtti lımıt belgilenedi.
Aıta keteıik byltyr Qazaqstanda nesıe berý talaptarynyń kúsheıýi tutynýshylyq kredıtterdiń qarqynyn aıtarlyqtaı tómendetkenin jazǵanbyz.