Elde biryńǵaı astyq holdıngin qurý qajet - Elbasy
ASTANA. 27 qańtar. QazAqparat /Jasulan Joldybaev/ - Elde biryńǵaı astyq holdıngin qurý qajet.
Bul týraly búgin Qazaqstan Prezıdenti Nursultan Nazarbaev QR Parlamenti palatalarynyń birlesken otyrysynda Qazaqstan halqyna arnalǵan jyl saıynǵy dástúrli Joldaýynda málim etti.
Elbasynyń aıtýynsha, memleket astyq salalaryn uıymdastyryp, qurylymdaý tıis.
«Qazaqstannyń aýyl sharýashylyǵy eksporttyq múmkindikter men ınnovatsııany engizýdiń zor áleýetine ıe. Jyl saıyn álemde azyq-túlikke degen suranys joǵarylaı bermek, bul múmkindikti jiberip almaýymyz tıis. Bizge agrarlyq óndiriste jeke ınvestıtsııanyń táýekelin tómendetý úshin zaımdardy saqtandyrýdyń memlekettik kepildendirý júıesin qurý qajet. Fermerlerdiń qarjylandyrý kózderine qoljetimdiligin keńeıtýdiń balama joldaryn tabý kerek. Úkimetke deldaldarsyz bólshek saýdany memlekettik qoldaýdyń tetikterin jasaqtap, engizýdi tapsyramyn», - dedi Elbasy.
Memleket basshysy Joldaýda ettiń eksporttyq áleýetin arttyrý baǵdarlamasyn odan ári belsendirý qajettigine de toqtaldy. Sonymen qatar, Úkimetke mal sharýashylyǵynyń basqa da salalaryn, sonyń ishinde qoı sharýashylyǵy, mal azyǵy salalaryn damytýdy tapsyrdy.
