Elde «Balaýsa» balalar ádebı shyǵarmalarynyń baıqaýy ótpek
ASTANA. 1 sáýir. QazAqparat - Erteń, 2 sáýir kúni Almatydaǵy Qazaqstan baspasóz klýbynda Balalarǵa arnalǵan kitaptardyń halyqaralyq kúnine oraı bastalatyn «Balaýsa» balalar ádebı shyǵarmalarynyń baıqaýyna arnalǵan baspasóz májilisi ótedi.
Dat ertegishisi Hans Krıstıan Andersenniń 2 sáýirdegi týǵan kúnine oraı búkil álem boıynsha Balalarǵa arnalǵan kitaptardyń halyqaralyq kúni atap ótiledi.
Osy kúni Qazaqstannyń Jazýshylar odaǵy Qazaqmys Tobymen birlese otyryp, «Balaýsa» atty balalar ádebı shyǵarmalarynyń baıqaýy jóninde habarlaıdy.
Jazýshylar odaǵynyń ókilderi Qazaqstandaǵy balalarǵa arnalǵan kitaptar naryǵynyń jaǵdaıy týraly aqparatpen bólisedi.
Baıqaý maqsaty - memlekettik tildegi qazirgi zamanǵy balalar ádebıetiniń damýyna járdemdesý, balalarǵa arnalǵan shyǵarmalar avtorlaryna qoldaý kórsetý jáne balalar boıynda otan súıgishtik, bilimqumarrlyq, oqýǵa degen súıispenshilikti tárbıeleý.
Baıqaýǵa qatysatyn shyǵarmalar 2012 jyldyń 31 jeltoqsanyna deıin qabyldanatyn bolady. Baıqaý qorytyndysy 2013 jyldyń 2 sáýirinde jarııalanady.
