Elde balalarǵa arnalǵan oıyn avtomattary baqylaýǵa alynady
ASTANA. KAZINFORM — Qazaqstanda balalarǵa arnalǵan oıyn avtomattarynyń jumysyn retteıtin zańnamalyq normalar ázirlenip jatyr. Bul týraly QR Týrızm jáne sport mınıstri Erbol Myrzabosynov málim etti.
— Qoldanystaǵy zańnama mundaı avtomattardyń jumysy naqty rettemegen. Jaqyn arada jańa zańnamalyq túzetýlerdi tanystyrý josparlanyp otyr», — dedi E. Myrzabosynov Úkimet otyrysynan keıin tilshiler suraǵyna jaýap bere otyryp.
Mınıstrdiń aıtýynsha, qazirgi ýaqytta «kran» túrindegi oıyn avtomattary eshbir memlekettik organnyń jaýapkershiligine jatpaıdy.
— Sondyqtan osy avtomattardy qadaǵalaıtyn ókiletti organ aıqyndalady, — dedi vedomstvo basshysy.
Eske salsaq, byltyr senator Ǵalıasqar Sarybaev sońǵy ýaqytta «kran» túrindegi oıyn avtomattary kúrt kóbeıip jatqanyn, bul jabdyqtar mektepterdiń, úıirmelerdiń, sport sektsııalarynyń mańynda jáne balalar ózderi kiretin dúkenderdiń ishinde jappaı ornatyla bastaǵanyn aıtqan edi.
