Elde balalar onkologııasynda zamanaýı emdeý ádisteri engizilip jatyr
ASTANA. KAZINFORM – 2025 jyly 58 transplantattaý jasaldy, onyń ishinde 18 aýtologııalyq, 8 gaploıdenttik jáne 31 allogendik transplantattaý, sonyń ishinde 12-si týystyq emes donorlardan jasaldy.
Dúnıejúzilik densaýlyq saqtaý uıymynyń (DDU) Eýropalyq óńirlik bıýrosy (DDU EÓB) Qazaqstan Respýblıkasynyń Balalar obyrymen kúres jónindegi jahandyq bastamaǵa (Global Initiative for Childhood Cancer, GICC) basym elder qataryna qosylý jónindegi bastamasyn quptady.
Bul tizimge engizilý, DDU EÓB tarapynan rastalǵandaı, Qazaqstannyń onkologııalyq aýrýlary bar balalarǵa kómek kórsetý júıesin damytýǵa beıildiligin kórsetedi jáne DDU men onyń áriptesteri tarapynan elge neǵurlym úılestirilgen tehnıkalyq qoldaý kórsetý múmkindigin keńeıtedi.
Búgingi tańda Qazaqstanda shamamen 7 mıllıon bala ómir súredi, bul el halqynyń úshten birinen astamyn (34%) quraıdy.
DDU Qazaqstannyń balalar onkologııalyq kómegin ulttyq, óńirlik jáne jahandyq deńgeılerde nyǵaıtý jónindegi kúsh-jigerin odan ári qoldaýǵa daıyn.
DDU sondaı-aq el ishindegi áriptester úshin GICC salasyndaǵy saraptamalar men quraldarǵa qoljetimdilikti qamtamasyz etip, júıeli yntymaqtastyq pen qoldaýdy jalǵastyrady.
Qazaqstannyń GICC basym elderi qataryna qosylýy 1 maýsym — Halyqaralyq balalardy qorǵaý kúni qarsańynda erekshe sımvoldyq mánge ıe.
Jyl ishinde UPBHO qurylymynda onkologııalyq jáne gematologııalyq aýrýlary bar 2500-den astam bala em qabyldady. Dıagnostıka ádisteri keńeıtilip, emdeý hattamalary jańartylýda.
Sońǵy jyldary jiti leıkozdardy emdeý kezinde eń tómen qaldyq aýrýdy PTR jáne aǵyndy tsıtoflýorımetrııa ádisterimen monıtorıngileý, qan túzý júıesiniń aplazııasy bar balalarda PNG klonyn anyqtaý ádisteri engizildi. Aǵza saqtaýshy operatsııalardyń sany artyp keledi.
2025 jyly 58 transplantattaý jasaldy, onyń ishinde 18 aýtologııalyq, 8 gaploıdenttik jáne 31 allogendik transplantattaý, sonyń ishinde 12-si týystyq emes donorlardan jasaldy.
Sondaı-aq 2025 jyly súıek isikteri kezinde 8 býyn endoprotezdeý operatsııasy, retınoblastoma kezinde selektıvti ıntraarterııalyq hımıoterapııanyń 12 operatsııasy júrgizildi. Rezektsııa jasaý múmkin emes gepatoblastomasy bar 7 jańa týǵan nárestege baýyr arterııasynyń hımıoembolızatsııasy jasaldy.
Aıta ketelik týa bitken patologııadan bolatyn náreste ólimi 15%-ǵa tómendedi.
