Elde azyq-túlik baǵasy ekinshi aı qatarynan tómendedi
ASTANA. KAZINFORM — Eldegi ınflıatsııa júıeli túrde báseńdeýin jalǵastyryp jatyr.
2026 jylǵy qyrkúıekte jyldyq ınflıatsııa tamyzben salystyrǵanda 0,5 paıyzdyq tarmaqqa tómendep, 9,3%-ǵa deıin baıaýlady.
Bir aıdaǵy baǵanyń ósýi 0,6%.
Inflıatsııany báseńdetýdegi negizgi úlesti azyq-túlik taýary baǵasynyń ósý qarqynynyń tómendeýi jalǵastyryp otyr.
— Qyrkúıekte azyq-túlik taýary baǵasy bir aılyq mánde 0,1%-ǵa tómendedi. Deflıatsııa ekinshi aı qatarynan baıqalady. Nátıjesinde jyldyq azyq-túlik ınflıatsııasy 8,5%-ǵa deıin báseńdedi (tamyzdaǵy 9,5%-dan).
Úkimet pen jergilikti atqarýshy organdardyń áleýmettik mańyzy bar azyq-túlik taýary (ÁMAT) baǵasynyń ósýin baqylaý boıynsha qabyldap jatqan sharalarynyń arqasynda ÁMAT baǵasynyń jyldyq ósimi 1,8%boldy, — delingen Ekonomıka mınıstrligi habarlamasynda.
Azyq-túlik emes taýarlar men aqyly qyzmetter boıynsha baǵa jaǵdaıy turaqty bolyp qalady.
Azyq-túlik emes ınflıatsııa jyldyq mánde 11%-ǵa deıin báseńdedi. Aqyly qyzmet baǵasynyń ósýi 8,9% deńgeıinde saqtaldy.
Inflıatsııalyq protsesterdiń baıaýlaýy aıasynda 2026 jylǵy ekinshi toqsanda halyqtyń naqty aqshalaı tabysy 0,7%-ǵa ósti.
Inflıatsııa qarqynyn odan ári tómendetý halyqtyń tabysyna baǵanyń ósý qysymyn azaıtýǵa yqpal etetin bolady.
Aıta ketelik elde azyq-túlik ınflıatsııasy 8,5%-ǵa deıin tómendegeni týraly jazǵan edik.
