Elde azamattyń biryńǵaı tsıfrlyq profıli jasalýy múmkin
ASTANA. KAZINFORM — Negizgi nazar azamattyń biryńǵaı tsıfrlyq profılin qurý, JI tehnologııalaryn qoldana otyryp, elektrondyq shekara jáne kóliktik baqylaý júıelerin jańǵyrtý máselelerine aýdaryldy.
Premer-mınıstrdiń orynbasary — Jasandy ıntellekt jáne tsıfrlyq damý mınıstri Jaslan Mádıev Birikken Arab Ámirlikteriniń «Dalil Information Technology» tehnologııalyq kompanııasynyń basshylyǵymen kezdesý ótkizdi.
Kelissózder barysynda taraptar memlekettik basqarýǵa ınnovatsııalyq sheshimderdi engizý jáne eldiń tsıfrlyq ınfraqurylymyn damytý perspektıvalaryn talqylady. Negizgi nazar azamattyń biryńǵaı tsıfrlyq profılin qurý, JI tehnologııalaryn qoldana otyryp, elektrondyq shekara jáne kóliktik baqylaý júıelerin jańǵyrtý máselelerine aýdaryldy.
Jaslan Mádıev Memleket basshysy Qasym-Jomart Toqaevtyń tapsyrmasy boıynsha Qazaqstan derekter ekojúıesin júıeli túrde quryp jatqanyn jáne tek tehnologııalar transfertin ǵana emes, sonymen qatar bilimdi birlesip qurýdy jáne jergilikti kadrlardy damytýdy kózdeıtin seriktestik úshin ashyq ekenin atap ótti.
Kompanııa ókilderi tsıfrlyq sáıkestendirý salasyndaǵy ózderiniń flagmandyq jobalaryn, sonyń ishinde memlekettik qyzmetterge arnalǵan «Super App» ázirlemesin, áýejaılarda «Smart Gates» bıometrııalyq júıelerin engizýdi jáne kedendik ákimshilendirýge arnalǵan zııatkerlik sheshimderdi tanystyrdy.
«Dalil Information Technology» kompanııasynyń kıberqaýipsizdik pen úlken derekterdi taldaýǵa baǵyttalǵan tehnologııalyq bazasy Jasandy ıntellekt jáne tsıfrlyq damý mınıstrliginiń aldyna qoıǵan mindettermen joǵary sınergııany kórsetedi. Jekeleı alǵanda, halyqty sáıkestendirýdegi qaǵazbastylyqty tolyq joıýǵa jáne bıometrııalyq qamtýdyń joǵary deńgeıine jetýge baǵyttalǵan «Golden Record» tujyrymdamasyn iske asyrý múmkindigi talqylandy.
Kún tártibindegi erekshe tarmaq arab seriktesteriniń 2026 jylǵy mamyrda Almatyda QR Prezıdentiniń patronajymen alǵash ret ótetin GITEX halyqaralyq kórmesine qatysýyn talqylaý boldy. Jaslan Mádıev kompanııany osy alańda óz sheshimderin kórsetýge shaqyrdy jáne taraptardyń nıetin tıisti Ózara túsinistik týraly memorandýmǵa qol qoıý arqyly bekitýdi usyndy.
Mundaı qadam talqylaýlardan birlesken jobalardy is júzinde iske asyrýǵa, sonyń ishinde tehnologııalardy lokalızatsııalaýǵa jáne memlekettik tsıfrlyq bastamalarǵa yqtımal ınvestıtsııalarǵa kóshýge múmkindik beredi.
Taraptar Qazaqstannyń tsıfrlandyrýǵa baǵyttalǵan strategııalyq kýrsy men «Dalil Information Technology» kompanııasynyń tereń saraptamasyn biriktirý uzaq merzimdi jáne ózara tıimdi yntymaqtastyq úshin berik negiz qalaıtynyna senim bildirdi.
Aıta ketelik tsıfrlyq transformatsııa kartalary engizilip jatqany týraly jazǵan edik.
