Áıelderge arnalǵan vagony bar jolaýshylar poıyzynyń sany 12-ge jetti

ASTANA. KAZINFORM — «Oral — Mańǵystaý» poıyzyna qosymsha áıelder vagony engiziledi. Bul týraly QR Kólik mınıstrligi Temirjol jáne sý kóligi komıtetiniń tóraǵasy Jánibek Taıjanov aıtty. 

— 1 maýsymnan bastap № 614/613 «Oral — Mańǵystaý» poıyzyna qosymsha áıelder vagony engiziledi. Osylaısha, jańa vagonnyń engizilýimen «Áıelder vagony» qyzmeti usynylatyn marshrýttar sany 12-ge jetedi, — dedi ol OKQ alańynda.

Kólik mınıstrliginiń málimetinshe, qazirgi ýaqytta 11 jolaýshylar poıyzynda áıelder vagony bar. Olar:

* № 77/78 «Almaty — Mańǵystaý»,

* № 351/352 «Almaty — Mańǵystaý»,

* № 45/46 «Pavlodar — Túrkistan»,

* № 37/38 «Mańǵystaý — Semeı»,

* № 47/48 «Atyraý — Astana»,

* № 33/34 «Aqtóbe — Almaty»,

* № 4/3 «Astana — Almaty»,

* № 71/72 «Astana — Shymkent»,

* № 354/353 «Astana — Semeı»,

* № 24/23 «Aqtóbe — Almaty»,

* № 25/26 «Almaty — Shymkent»,

* № 614/613 «Oral — Mańǵystaý».

Áıelder vagondaryna bılet tek áıel adamdarǵa satylady, onda tek áıel jolserikter qyzmet kórsetedi.

Sondaı-aq, bul vagondarmen 7 jasqa deıingi er balalardyń qatynaýyna ruqsat beriledi.

Sondaı-aq elimizde aldaǵy maýsym jáne qyrkúıek aılarynda eki jańa elektropoıyz baǵdary ashylady.

Odan bólek 7 maýsymǵa deıin Sıan–Almaty baǵytynda jolaýshylar poıyzy qatynaıdy.