Elde avıatsııalyq oqıǵalardy tergeý júıesi jetildiriledi
ASTANA. KAZINFORM — Qazaqstannyń avıatsııalyq ákimshiligi men Kólik oqıǵalary men ıntsıdentterin tergep-tekserý ortalyǵy Ózara túsinistik týraly memorandýmǵa qol qoıdy.
Qazaqstannyń avıatsııalyq ákimshiligi men Kólik oqıǵalary men ıntsıdentterin tergep-tekserý ortalyǵy yntymaqtastyqty nyǵaıtýǵa, avıatsııalyq oqıǵalar men ıntsıdentterdi tergep-tekserý kezinde Qazaqstannyń avıatsııalyq ákimshiligi men Kólik oqıǵalary men ıntsıdentterin tergep-tekserý ortalyǵynyń róli men mindetterin naqty ajyratýǵa, ushý qaýipsizdigin arttyrýǵa jáne avıatsııalyq oqıǵalar men ıntsıdentterdi tergep-tekserýdiń ulttyq júıesin jetildirýge baǵyttalǵan Ózara túsinistik týraly memorandýmǵa qol qoıdy.
Qujatqa Qazaqstannyń avıatsııalyq ákimshiliginiń bas atqarýshy dırektory Maıkl Denıel jáne Kólik oqıǵalary men ıntsıdentterin tergep-tekserý ortalyǵy basqarmasynyń tóraǵasy Darhan Qatyshev qol qoıdy.
Memorandým uıymdar arasyndaǵy uzaq merzimdi ózara is-qımyldy damytýǵa, aqparat pen tájirıbe almasýdy júıeli túrde júzege asyrýǵa, sondaı-aq taraptardyń árqaısysynyń quzyreti sheginde uıymdastyrýshylyq jáne rásimdik máselelerdi úılestirýge baǵyttalǵan.
Yntymaqtastyqtyń negizgi baǵyttarynyń biri Halyqaralyq azamattyq avıatsııa uıymynyń (IKAO) Standarttary men Usynylatyn praktıkasyn, onyń ishinde Halyqaralyq azamattyq avıatsııa týraly konventsııanyń 13 jáne 19-qosymshalarynyń erejelerin eskere otyryp, avıatsııalyq oqıǵalar men ıntsıdentterdi tergep-tekserýdiń ulttyq júıesin jetildirý bolmaq.
Memorandým aıasynda taraptar derektermen jáne taldamalyq materıaldarmen almasý, zańnamany jáne qoldanystaǵy rásimderdi jetildirý, uıymaralyq ózara is-qımyl tetikterin ázirleý, sondaı-aq avıatsııalyq oqıǵalardy tergep-tekserý jáne olardyń aldyn alý salasyndaǵy ozyq halyqaralyq praktıkany engizý máseleleri boıynsha yntymaqtasatyn bolady.
Sondaı-aq IKAO is-sharalary men aýdıtterine, onyń ishinde Ushý qaýipsizdigin qamtamasyz etý salasyndaǵy qadaǵalaýdy uıymdastyrýdy tekserý jónindegi IKAO-nyń Ámbebap baǵdarlamasy – Turaqty monıtorıng tásili (USOAP CMA) sheńberindegi aýdıtterge birlesip daıyndyq júrgizý kózdelgen.
Memorandýmnyń mańyzdy qaǵıdattarynyń biri – avıatsııalyq oqıǵalar men ıntsıdentterdi tergep-tekserý kezinde Qazaqstannyń avıatsııalyq ákimshiligi men Kólik oqıǵalary men ıntsıdentterin tergep-tekserý ortalyǵy arasyndaǵy mindettermen quzyretterdi naqty ajyratý.
Qol jetkizilgen ýaǵdalastyqtardy iske asyrý aqparat pen kásibı tájirıbe almasýdy kúsheıtýge, táýekel faktorlaryn anyqtaý men olardyń aldyn alý tıimdiligin arttyrýǵa, sondaı-aq ushý qaýipsizdigi salasynda halyqaralyq standarttarmen ozyq praktıkalardy odan ári engizýdi qamtamasyz etýge múmkindik beredi.
Aıta ketelik Sıngapýrlyq kompanııa Astanany óńirlik avıatsııalyq habqa aınaldyrý isine atsalyspaq.
