Elde aýyl sharýashylyǵy ónimderi marketpleıster arqyly ótkiziledi
ASTANA. KAZINFORM — Qazaqstanda úshinshi sýperkompıýterlik klaster paıdalanýǵa beriledi. Bul týraly Úkimet otyrysynda Prezıdent Joldaýyn iske asyrýdy talqylaý barysynda Premer-mınıstrdiń orynbasary — Ulttyq ekonomıka mınıstri Serik Jumanǵarın málim etti.
— «Halyqtyq tsıfrlyq ekonomıka» baǵyty aıasynda úshinshi sýperkompıýterlik klaster paıdalanýǵa beriledi. Tsıfrlandyrýdyń budan arǵy baǵyty jasandy ıntellektini kommertsııalandyrýdy jáne blokcheın- tehnologııalaryn belsendi damytýdy qamtıdy, — dedi Serik Jumanǵarın.
Onyń aıtýynsha, aýyl sharýashylyǵy ónimderin marketpleıster men saýda jelileri arqyly ótkizý úshin jaǵdaı jasalady.
Aıta keteıik, jaqynda Memleket basshysy Qazaqstanda taǵy bir qýatty sýperkompıýter iske qosylatynyn aıtty.
Buǵan deıin habarlanǵandaı, búgin Úkimet otyrysynda Memleket basshysynyń bıylǵy 28 qazandaǵy «Jańa tarıhı kezeńdegi Qazaqstannyń ózekti mindetteri» atty Qazaqstan halqyna Joldaýyn iske asyrý jónindegi jalpyulttyq is-sharalar josparynyń» jobasy maquldanyp, tıisti qaýly qabyldandy.
