Elde aýa temperatýrasy 33 gradýsqa deıin joǵarylaıdy
ASTANA. KAZINFORM – Qazgıdromet 3–5 qyrkúıekke arnalǵan Qazaqstan boıynsha aýa raıy boljamyn jarııalady.
Aýa temperatýrasy birtindep joǵarylaıdy
Aldaǵy úsh táýlikte Qazaqstannyń basym bóliginde atmosferalyq qysymnyń joǵarylaý aımaǵy qalyptasyp, aýa raıy negizinen qurǵaq ári az bultty bolady. Sýyq aýa massasynyń áseri birtindep álsireýine baılanysty elimizdiń basym bóliginde aýa temperatýrasynyń birtindep joǵarylaýy kútiledi. Alaıda soltústik, ortalyq jáne shyǵys óńirlerde túngi ýaqyttaǵy aýa raıy salqyn bolady.
Elimizdiń soltústik-shyǵysynda, ońtústiginde jáne ońtústik-shyǵysynda atmosferalyq fronttardyń áserinen keı jerlerde naızaǵaımen birge qysqa merzimdi jańbyr jaýyp, jel kúsheıedi.
Kúndiz aýa temperatýrasynyń joǵarylaýy kútiledi:
- batysta, soltústik-batysta jáne ońtústikte +28…+33°S;
- soltústikte, shyǵysta jáne Qazaqstannyń ortalyǵynda +23…+30°S;
- ońtústik-shyǵysta +20…+27°S, taýly jáne taý bókterindegi aýdandarda +10…+15°S.
Aıta ketelik búgin tórt qalada aýa sapasynyń nasharlaıtyny belgili boldy.
