Elde aptap ystyq basylyp, jańbyr jaýady
ASTANA. KAZINFORM — ASTANA. KAZINFORM — Qazgıdromet 15–17 tamyzǵa arnalǵan Qazaqstan boıynsha aýa raıy boljamyn jarııalady.
Atmosferalyq fronttyń ótýine baılanysty elimizdiń basym bóliginde jańbyr jaýyp, naızaǵaı oınaıdy, jeldiń ekpini kúsheıedi, burshaq jaýýy múmkin. Tek elimizdiń batysynda jáne Qyzylorda oblysynda jaýyn-shashynsyz aýa raıy bolady.
Elimizdiń batysynda, soltústik-batysynda, soltústiginde jáne ortalyǵynda túnde jáne tańerteń tuman bolady.
15 tamyzda Qostanaı oblysynda, 15–16 tamyzda Soltústik Qazaqstan jáne Aqmola oblystarynda, 16 tamyzda Pavlodar oblysynda nóser jańbyr jaýýy yqtımal.
Elimizdiń batysynda kúndiz aýa temperatýrasy 18–26°-tan 25–33° jylyǵa deıin kóteriledi. Aqtóbe oblysynda aıtarlyqtaı ózgeris bolmaıdy negizgi temperatýralyq fon 20–30° jyly bolady.
Qostanaı jáne Soltústik Qazaqstan oblystarynda aýa temperatýrasynyń tómendeýi boljanady: túnde 15–20°-tan 7–12° jylyǵa deıin, kúndiz 20–30°-tan 15–20° jylyǵa deıin tómendeıdi.
Aqmola jáne Pavlodar oblystarynda túngi aýa temperatýrasy 15–20°-tan 10–15° jylyǵa deıin, kúndiz 30–35°-tan 17–25° jylyǵa deıin tómendeıdi.
Elimizdiń ortalyq jáne shyǵys óńirlerinde qatty ystyqtyń beti qaıtady. Osy óńirlerdiń ońtústiginde kúndizgi aýa temperatýrasy 34–39°-tan, al óńirdiń ońtústiginde óte qatty ystyq kezinde 40–41°-tan 23–33° jylyǵa deıin tómendeıdi.
Qazaqstannyń ońtústiginde kúndizgi aýa temperatýrasy 38–44° qatty ystyqtan 30–37° jylyǵa deıin tómendeıdi.
Elimizdiń ońtústik-shyǵysynda kúndiz aýa temperatýrasy 34–39° qatty ystyqtan, óńirdiń soltústiginde 40–43° óte qatty ystyqtan 30–36° jylyǵa deıin tómendeıdi.
