Jeltoqsan aıynda sábiz, qant jáne jumyrtqa baǵasy tómendedi
ASTANA. KAZINFORM — 2025 jyldyń jeltoqsandaǵy aılyq ınflıatsııa deńgeıi 0,9% boldy. Azyq-túlik taýarlarynyń baǵasy — 1,2%, azyq-túlikke jatpaıtyn taýarlardiki — 0,7%, aqyly qyzmetter 0,6% ósti.
Ulttyq statıstıka bıýrosynyń málimetinshe ótken aıda apelsın baǵasy 2,6%, sábiz — 2%, qant — 1,3%, jumyrtqa 0,1% tómendedi. Al kontsentrattalǵan sút — 2,1%, qatty irimshik — 1,8%, kókónis shyryndary 1,6% qymbattady.
— Jekelegen dári-dármekterdiń baǵasy tómendedi: sýprastın — 18,5%, enap — 5,2%, kanefron — 1,4%, ıodomarın men azıtromıtsın — árqaısysy 0,9%-dan. Avtomobılder — 0,4%, elektr quraldary 0,9% arzandady. Smartfondar — 0,9%, jeke gıgıena taýarlary 1,1% qymbattady.
Kommýnaldyq qyzmetter arasynda sý burý tarıfteri 2,4%, sýyq sý — 0,9% tómendedi. Bir aı ishinde taksı qyzmetteri 1,8%, monshaǵa barý — 2,1%, kınoteatr qyzmetteri — 2,9% qymbattady, — delingen habarlamada.
2025 jylǵy jyldyq ınflıatsııa 12,3% bolady. Jeltoqsanda azyq-túlik taýarlarynyń jyldyq deńgeıi — 13,5%, azyq-túlikke jatpaıtyn taýarlardiki — 11,1%, aqyly qyzmetterdiki 12% ósti.
Azyq-túlik taýarlary arasynda jyldyq mánde baǵa qyzanaq — 7,9%, kúrish — 4,8%, qııar — 4,7%, tátti burysh — 2,7%, keptirilgen órik 2% tómendedi. Kerisinshe júzim — 7,7%, kók shaı baǵasy 7,9% ósti.
Azyq-túlikke jatpaıtyn taýarlar arasynda aıaq kıimge jaǵatyn krem baǵasy 10,8%, santehnıkalyq qospalaýysh — 8,5%, elektr burǵysy 6,6% qymbattaǵan.
2025 jyl ishinde turǵyn úı-kommýnaldyq qyzmetter salasynda sýyq sý tarıfteri 13,1% tómendedi. Aıaq kıim jóndeý baǵasy — 10,1%, poshta qyzmetteri — 8,9%, avtosaqtandyrý 6,5% ósti.
Óńirler arasynda jyldyq ınflıatsııanyń tómen deńgeıi Almaty qalasy men Qostanaı oblysynda — 11,7%, sondaı-aq Abaı, Jambyl jáne Batys Qazaqstan oblystarynda baıqaldy — 11,8% deńgeıinde.
2025 jylǵy qańtardan bastap tutyný baǵalarynyń ındeksin eseptegende azyq–túlik taýarlarynyń úlesi — 40%, azyq-túlik emes taýarlar — 30,3%, aqyly qyzmetter 29,7%.
Aıta ketelik Prezıdent ınflıatsııa deńgeıiniń joǵary bolýynan azamattarymyzdyń ál-aýqatyn arttyrýǵa arnalǵan eńbektiń bári tekke ketip jatqanyn aıtqan edi.