Elde ana ólimi tarıhı eń tómengi deńgeıge deıin tómendedi
ASTANA. KAZINFORM — 2024 jyldyń qorytyndysy boıynsha elimizde ómir súrý uzaqtyǵy alǵash ret 75,4 jasqa jetti. Ana ólimi kórsetkishi 12%-ǵa tómendep, tarıhı mınımýmǵa jetti.
Prezıdent Joldaýyn oryndaý jáne Qazaqstanda densaýlyq saqtaý sapasyn arttyrý maqsatynda Úkimet ana men bala óliminiń kórsetkishterin tómendetýge yqpal etetin sharalar keshenin júzege asyrýda.
— Memleketimizdiń erekshe basymdyqtarynyń biri — halyqtyń densaýlyǵyn qorǵaý. Bizdiń maqsatymyz 2029 jylǵa qaraı halyqtyń ortasha ómir súrý uzaqtyǵyn 77 jasqa deıin jetkizý. Jalpy bul maqsat qoljetimdi. Jyl saıynǵy dınamıkada halyqtyń densaýlyǵynyń oń kórsetkishteri baıqalady. 2024 jyldyń qorytyndysy boıynsha halyqtyń ortasha kútiletin ómir súrý uzaqtyǵy alǵash ret 75 jastan asty, — dedi densaýlyq saqtaý mınıstri Aqmaral Álnazarova.
Odan bólek, ana ólimi kórsetkishi 12%-ǵa tómendep, tarıhı mınımýmǵa jetti. Sondaı-aq neonataldyq ólim 20%-ǵa, sábı ólimi 11%-ǵa, al bala ólimi 8%-ǵa azaıdy.
— Memleket basshysy men Úkimettiń qoldaýy arqasynda halyq densaýlyǵynyń negizgi kórsetkishterin jaqsartýǵa múmkindik týyp otyr, — dep atap ótti densaýlyq saqtaý mınıstri.
2024 jyldyń qorytyndysy boıynsha elimizde ómir súrý uzaqtyǵy alǵash ret 75,4 jasqa jetti. Ana ólimi kórsetkishi 12%-ǵa tómendep, tarıhı mınımýmǵa jetti. Sondaı-aq neonataldyq ólim 20%-ǵa, sábı ólimi 11%-ǵa, al bala ólimi 8%-ǵa azaıdy.
2024 jyly elimizde alǵash ret «Fetaldy medıtsına» ınnovatsııalyq tehnologııasy engizildi: 71 jatyrishilik (uryqqa) operatsııa jasalyp, nátıjesinde 96 náresteniń ómiri saqtalyp qaldy. Jańa týǵan sábıler hırýrgııasy da qarqyndy damýda — 2025 jyldyń alǵashqy jartyjyldyǵynda týa bitken damý aqaýlary bar 600 nárestege ota jasaldy.