Elde altyn qanshadan saýdalanyp jatyr

ASTANA. KAZINFORM – Qazaqstanda altyn baǵasy ósip keledi. Ulttyq banktiń 5 naýryzdaǵy derekterine sáıkes, bir gramm altynnyń quny 84 355,16 teńgege jetti.

Aqpan aıynyń sońynda baǵaly metaldyń quny 82 542,16 teńge bolǵan. 

Buǵan deıin habarlanǵandaı, álemdik baǵalardyń ósýi aıasynda Qazaqstan altyn satyp alý kólemi boıynsha álemde ekinshi orynǵa shyqty.

2025 jyly Qazaqstan 57 tonna altyn satyp alyp, satyp alý kólemi boıynsha dúnıejúzinde ekinshi oryndy ıelendi.

Sonymen qatar keıingi alty jyl ishinde Qazaqstan iri altyn satýshy elderdiń qataryna da endi. Osy kezeńdegi taza qysqarý kólemi 44,4 tonnany qurady. 2022-2024 jyldary Ulttyq bank rezervterdiń ótimdiligin qoldaý jáne ártaraptandyrý maqsatynda 118,3 tonna altyn satty. Al 2025 jyly saıasat ózgerip, rekordtyq baǵalar men geosaıası turaqsyzdyq jaǵdaıynda el altyn qoryn qaıtadan kóbeıtýge kiristi.

Bul kezeńde Qazaqstannan da kóp altyn satqan jalǵyz el –Fılıppınder – 64,8 tonna. Іri satýshylar qatarynda sondaı-aq Shrı-Lanka – 19,1 tonna, Germanııa – 16,2 tonna, Mońǵolııa – 15,2 tonna jáne Tájikstan – 11,9 tonna bar.

Eske sala keteıik, 2024 jyly altyn óndirý kólemi 72,1 tonna boldy, al 2025 jyly ol 71,2 tonnany qurady.