Elde alǵash ret júrek tamyrlaryna bıosińiriletin karkas ornatyldy
ASTANA. KAZINFORM — Qazaqstanda alǵash ret tamyrda birtindep sińiriletin jańa býyn karkastary qoldanyldy, dep habarlaıdy DSM baspasóz qyzmeti.
Kardıologııa jáne ishki aýrýlar ǵylymı-zertteý ınstıtýtynda jańa býynnyń bıorezorbtsııalanatyn magnıı skaffoldtaryn qoldana otyryp, joǵary tehnologııalyq koronarlyq operatsııalar júrgizildi. Bul tehnologııa ınterventsııalyq kardıologııa boıynsha halyqaralyq master-klass sheńberinde tórt patsıentke qoldanyldy.
Magnıı skaffoldy — tarylǵan koronarlyq arterııaǵa ornatylatyn jáne qan aǵymyn qalpyna keltirýge kómektesetin ýaqytsha tamyrlyq karkas. Onyń dástúrli metall stentten negizgi aıyrmashylyǵy — óz fýnktsııasyn oryndaǵannan keıin karkas organızmge birtindep sińip ketedi.
— Mundaı tehnologııa tamyrdyń karkastyń qoldaýymen qalpyna kelý kezeńinen ótýine múmkindik beredi, sodan keıin ol birtindep rezorbtsııalanady. Bul tamyr qabyrǵasynyń tabıǵı qalpyna kelýine qosymsha múmkindikter ashady, — dep atap ótti KІA ǴZI rentgenendovaskýlıarlyq operatsııalyq blogynyń meńgerýshisi Alekseı Kolesnıkov.
Jańa tehnologııany tájirıbede qoldaný ınterventsııalyq kardıologııa salasyndaǵy jetekshi mamandardyń qatysýymen ótken master-klass sheńberinde júzege asyryldy. Shaqyrylǵan sarapshy — Klinikum Fürth (Germanııa) klınıkasynyń ınterventsııalyq kardıologııa mamany, kúrdeli koronarlyq aralasýlar júrgizý boıynsha sarapshy doktor Stılıanos Pıksaras (Stylianos Pyxaras).
Master-klass barysynda qazaqstandyq mamandar bıorezorbtsııalanatyn skaffoldtardy qoldanýdyń zamanaýı tásilderimen, patsıentterdi irikteý ólshemsharttarymen jáne koronarlyq arterııalardyń kúrdeli zaqymdanýy kezinde aralasý júrgizýdiń erekshelikterimen tanysty.
Aıta keteıik, tórt operatsııanyń barlyǵy da sátti ótti. Patsıentterge joǵary tehnologııalyq medıtsınalyq kómek MÁMS sheńberinde tegin kórsetildi.
Budan buryn Túrkistan oblystyq klınıkalyq aýrýhanasynda eki otbasy úshin erekshe kún bolǵanyn jazǵanbyz. Bir kúnde baýyr jáne búırek transplantatsııasy jasalǵan eki naýqas emin sátti aıaqtap, úılerine shyǵaryldy.
