Elde alǵash ret epıdemıologııalyq onlaın-karta ázirlendi
ASTANA. KAZINFORM — Qoǵamdyq densaýlyq saqtaý ortalyǵy 2025 jylǵy jumys qorytyndysyn jarııalady, dep habarlaıdy DSM baspasóz qyzmeti.
2025 jyly Ulttyq qoǵamdyq densaýlyq saqtaý ortalyǵy sanıtarııalyq-epıdemıologııalyq qaýipsizdikti qamtamasyz etý jáne emes aýrýlar men qaýip faktorlarynyń aldyn alýdy damytý boıynsha keshendi jumysty jalǵastyrdy.
Ortalyqtyń qyzmeti derekterdi taldaýǵa, qaterlerdiń turaqty monıtorıngine jáne memlekettik organdar úshin basqarýshylyq sheshimderdi daıyndaýǵa negizdeldi.
Ortalyqtyń qurylymynda negizgi baǵyttar boıynsha alty zerthana jumys isteıdi:
- vırýsologııa,
- bakterıologııa,
- parazıtologııa,
- asa qaýipti ınfektsııalar,
- hımııalyq-toksıkologııalyq zertteýler,
- radıatsııalyq qaýipsizdik jáne genomdyq rettilik.
2025 jyly 1500-den astam zertteý men rettilik júrgizildi. Aınalymdaǵy shtamdar men halyqaralyq epıdemıologııalyq jaǵdaıǵa monıtorıng júrgiziledi. Táýlik boıy taldamalyq monıtorıng ortalyq jumysynyń mańyzdy bóligi bolyp qala beredi.
2025 jyly COVID-19, kókjótel, qyzylsha, JRVI, tumaý, pnevmonııa, sondaı-aq halyqaralyq epıdemıologııalyq jaǵdaı, damý boljamdary men stsenarııleri boıynsha 1600-den astam taldamalyq jáne aqparattyq materıaldar daıyndaldy. Naqty ýaqyt rejıminde el ishinde de, odan tys jerlerde de, onyń ishinde Qazaqstan azamattary baratyn memleketterde de jaǵdaıdy baqylaýǵa múmkindik beretin epıdemıologııalyq onlaın-karta paıdalanýǵa berildi.
Budan buryn Jambyl oblysynda jedel járdem kólikteri qarǵa batyp qalyp jatqanyn jazǵan edik.