Elde alǵash ret ekonomıkalyq bilimi bar polıtseıler sarapshy-taýartanýshylar atandy
ASTANA. KAZINFORM — Qazaqstanda ekonomıkalyq bilimi bar polıtseıler jańa mamandyq ıgerdi, dep habarlaıdy Qostanaı oblysy Polıtsııa departamentiniń baspasóz qyzmeti.
Qazaqstan Respýblıkasynyń Іshki ister mınıstri polıtsııa general-leıtenanty Erjan Sádenovtiń tapsyrmasy boıynsha Qostanaı oblysynyń Polıtsııa departamentinde sarapshy kadrlardy daıarlaýdyń jańa kezeńi iske asyryldy.
Qazaqstanda alǵash ret ekonomıkalyq bilimi bar polıtsııa qyzmetkerleri mamandandyrylǵan oqytýdan ótip, taýartaný jáne azyq-túlik emes taýarlardy saraptaý salasyndaǵy sarapshylardyń biliktiligin aldy.
Qostanaı oblysy boıynsha sot saraptamalary Instıtýty fılıalynyń basshysy Evgenıı Soharev pen Qostanaı oblysy PD Jedel-krımınalıstıkalyq basqarmasynyń bastyǵy Nurlan Arystanov Karına Klımenko men Marat Júsipovke biliktilikti arttyrý týraly sertıfıkattardy tabystady.
— Alynǵan bilim mamandarǵa qylmystyq isterdi tergeý kezinde qajetti taýarlyq zertteýler júrgizýge múmkindik beredi, bul saraptamalyq-krımınalıstıkalyq súıemeldeýdiń sapasyn arttyrady jáne saraptama júrgizý merzimderin qysqartady, — deıdi tártip saqshylary.
Osyǵan deıin Aqtóbede egiz polıtseıler qyzmet etetinin, biri jol apatyn tergep, ekinshisi qoǵamdyq tártipti kúzetetinin jazǵan edik.
