Elde alǵash ret balalardy lazerlik lıtotrıpsııa ádisimen emdeý júrgizildi

ASTANA. KAZINFORM – Búgin Pedıatrııa jáne balalar hırýrgııasy ǵylymı ortalyǵynda elde saraptamalyq klastyń eń jańa jabdyǵy — Calculase III lazerlik júıesimen jaraqtandyrylǵan alǵashqy operatsııalyq bólmeniń saltanatty ashylýy ótti. Bul týraly DSM baspasóz qyzmeti habarlady. 

Saltanatty rásimge Japonııanyń Qazaqstandaǵy Tótenshe jáne ókiletti elshisi ıAsýmasa Iıdzıma myrza qatysty.

Jabdyq Japonııa Úkimetiniń «KUSANONE (Kornı travy/Shóp tamyry)» granttyq baǵdarlamasy sheńberinde ornatylǵan.

— Innovatsııa operatsııa bólmesiniń kórinisin tez ózgertip, hırýrgııanyń tıimdiligi men qaýipsizdigin arttyrady. Calculase III lazerlik júıesi alǵash ret Qazaqstannyń balalar ýrologııasynda balalardaǵy nesep shyǵarý júıesiniń týa bitken jáne júre paıda bolǵan aýrýlaryn endoskopııalyq dıagnostıkalaý jáne emdeý úshin qoldanylady, — dep atap ótti ýrologııa bólimshesiniń meńgerýshisi Baqytjan Ábekenov.

Buryn tómengi nesep shyǵarý joldarynyń patologııasy bar balalarǵa operatsııalar ashyq ádispen jasalatyn. Ota uzaqtyǵy 2 saǵatqa sozylyp, 14 kúnge deıin em alýǵa jatqyzylatyn.

Lazerlik lıtotrıpsııany engizýmen:

— operatsııanyń uzaqtyǵy 20 mınýtqa deıin qysqardy;

— jumsaq maskalyq narkoz qoldanylady;

— bala emsharadan keıin birden anasyna berilýi múmkin;

— emdeýge jatqyzý merzimi 7 kúnge deıin qysqardy.

Ádistiń basty artyqshylyǵy operatsııa kezinde de, operatsııadan keıingi kezeńde de qaýip azaıdy.

Aıta ketelik tirkelmegen dári-dármekterdi ákelýge arnalǵan elektrondyq ruqsattyń jańa formasy engizildi.