Elde áleýmettik kásipker sany 1776-ǵa jetti
ASTANA.KAZINFORM – Qazaqstanda áleýmettik kásipkerlerdiń sany artýda. 2026 jylǵy II toqsanda Áleýmettik kásipkerlik sýbektileriniń biryńǵaı tiziliminde 1 776 kásipker tirkelgen. I toqsanmen salystyrǵanda tizilimdegi sýbekti sany 11,2%-ǵa ósken.
Ulttyq ekonomıka mınıstrligi Áleýmettik kásipkerlik sýbektileriniń biryńǵaı tizilimin qalyptastyryp, ony toqsan saıyn jańartyp otyrady. Tizilimge ený kásipkerdiń zańnamada qarastyrylǵan memlekettik qoldaý sharalaryn alýyna jáne áleýmettik mańyzy bar mindetterdi sheshýge arnalǵan jobalardy damytýyna múmkindik beredi.
Áleýmettik kásipkerlik bul qyzmetti júrgizip qana qoımaı, sonymen qatar qoǵamdyq paıda ákeletin bıznesti biriktiredi: múgedek adamdardy jáne halyqtyń áleýmettik osal toby ókilderin jumyspen qamtyp, áleýmettik mańyzdy qyzmet kórsetedi nemese ózekti áleýmettik máselelerdi sheshýge arnalǵan jobalardy iske asyrady.
Tizilim kásipkerlerdiń ótinishin qarap, onyń tıisti ólshemge sáıkestigin baǵalaıtyn jergilikti atqarýshy organdar janyndaǵy arnaıy komıssııa sheshimi negizinde qalyptastyrylady.
Aıta ketelik elde áıelder kásipkerligin baǵalaıtyn Gender Index platformasy ázirlenedi.
