Elde aldaǵy qys qandaı bolady

Aýa temperatýrasy klımattyq normadan 2°S joǵary bolady jáne jaýyn-shashyn mol túsedi dep boljanýda (normalar aýa raıy bıýlleteniniń kestesinde kórsetilgen).

Jaýyn-shashynnyń eń kóp mólsheri soltústik-batys, soltústik, soltústik-shyǵys jáne shyǵys óńirlerde, sondaı-aq ońtústik-shyǵystyń shyǵys bóliginde jáne taýly aýdandarynda kútiledi. Qazaqstannyń basym bóliginde jaýyn-shashyn aralas túrde (jańbyr, qar, jańbyr aralas qar) jaýady. Soltústik jáne shyǵys óńirlerde, aıdyń basyn qospaǵanda, negizinen qar jaýady dep boljanýda. Aıdyń basynda jańbyr men qar aralas jaýýy múmkin.

Budan bólek, elimizdiń basym bóliginde tuman, kóktaıǵaq qubylystary, jeldiń ekpindi soǵýy, al respýblıkanyń soltústik jartysynda kóbine burqasyn bolýy yqtımal.

Aıdyń basynda elimizdiń basym bóliginde aýa temperatýrasynyń joǵarylaýy kútiledi:

Soltústikte, ortalyqta jáne shyǵysta: túnde 0…+5°S-qa deıin, kúndiz +5…+16°S-qa deıin;

Ońtústikte jáne ońtústik-shyǵysta: túnde +5…+15°S-qa deıin, kúndiz +15…+25°S-qa deıin.

Al batys jáne ońtústik-batys óńirlerde aýa temperatýrasynyń tómendeýi kútiledi: túnde 0…−7°S-qa deıin, kúndiz 0…+5°S-qa deıin. Ońtústiktegi meteostantsııalarda túngi temperatýra −2…+3°S, kúndiz +3…+10°S shamasynda bolady dep boljanýda.

Aıdyń ekinshi jáne úshinshi onkúndikterinde aýa temperatýrasy qubylmaly bolady dep kútiledi.

Elimizdiń soltústik jartysynda túngi temperatýra −1…−13°S-tan −3…+5°S-qa deıin, kúndiz +1…+10°S-tan 0…−8°S-qa deıin aýytqýy múmkin.

Ońtústik jartysynda túngi temperatýra 0…−5°S-tan +2…+10°S-qa deıin, kúndiz 0…+5°S-tan +7…+15°S-qa deıin qubylady dep boljanýda.

Sonymen qatar jekelegen kúnderi eldiń soltústiginde, shyǵysynda jáne ortalyǵynda túngi aýa temperatýrasy −10…−18°S-qa deıin tómendeýi yqtımal.

Jaýyn-shashyn mólsheri boıynsha boljam:

Respýblıkanyń basym bóliginde klımattyq norma shamasynda;

Normadan joǵary: soltústikte, soltústik-batystyń soltústik bóliginde jáne shyǵysta (Soltústik Qazaqstan, Shyǵys Qazaqstan oblystarynda, Pavlodar oblysynyń basym bóliginde, Batys Qazaqstan, Qostanaı jáne Aqmola oblystarynyń soltústik jartysynda, Aqtóbe oblysynyń soltústiginde, Abaı oblysynyń soltústik-shyǵysy men ońtústik-shyǵysynda), sondaı-aq Almaty oblysynyń ońtústik-shyǵys jartysynda jáne Jetisý oblysynda.

Konsýltatıvtik maýsymdyq boljamǵa sáıkes, 2026–2027 jyldardaǵy qys salystyrmaly túrde jyly, atmosferalyq jaýyn-shashyn mólsheri ortasha bolady dep kútiledi. Sonymen qatar eldiń soltústik-batysynyń, soltústiginiń, soltústik-shyǵysynyń jekelegen aýdandarynda jáne Ortalyq Qazaqstanda jaýyn-shashyn mólsheri klımattyq normadan joǵary bolýy múmkin.

Respýblıka aýmaǵynyń keı jerlerinde burqasyn, jeldiń ekpindi soǵýy boljanady. Sondaı-aq kóktaıǵaq qubylystary men tuman bolýy yqtımal. Qys boıy aýa temperatýrasynyń kúrt qubylýy da boljanyp otyr. Bul qar jamylǵysynyń ishinde muz qabatynyń túzilýine yqpal etýi múmkin.

Jeltoqsan

Jeltoqsan aıynda respýblıkanyń búkil aýmaǵynda ortasha aýa temperatýrasy klımattyq normadan 2°S joǵary bolady dep kútiledi.

Jaýyn-shashyn mólsheri boıynsha boljam:

Respýblıkanyń basym bóliginde klımattyq norma shamasynda;

Normadan joǵary: soltústikte, soltústik-batys pen soltústik-shyǵystyń soltústik bóliginde (Soltústik Qazaqstan oblysynda, Pavlodar oblysynyń basym bóliginde, Qostanaı jáne Aqmola oblystarynyń soltústik jartysynda, Batys Qazaqstan jáne Aqtóbe oblystarynyń soltústiginde, Abaı jáne Shyǵys Qazaqstan oblystarynda);

Normadan tómen: Qyzylorda oblysynyń ońtústiginde.

Qańtar

Qańtar aıynda respýblıkanyń basym bóliginde ortasha aýa temperatýrasy klımattyq normadan 1–2°S joǵary bolady dep kútiledi.

Elimizdiń soltústik-batys jartysynda, atap aıtqanda Batys Qazaqstan oblysynda, Atyraý, Aqtóbe, Qostanaı jáne Soltústik Qazaqstan oblystarynyń basym bóliginde, sondaı-aq Aqmola oblysynyń soltústik-batys jartysynda aýa temperatýrasy klımattyq norma shamasynda bolady dep boljanýda.

Jaýyn-shashyn mólsheri boıynsha boljam:

Respýblıkanyń basym bóliginde klımattyq norma shamasynda;

Normadan joǵary: Batys Qazaqstan oblysynyń ońtústik-batysynda, Atyraý oblysynyń batysynda jáne Mańǵystaý oblysynda;

Normadan tómen: Qyzylorda oblysynyń ońtústik-shyǵys jartysynda, Ulytaý oblysynyń qıyr ońtústik-shyǵysynda, Qaraǵandy jáne Abaı oblystarynyń qıyr ońtústiginde, Túrkistan, Jambyl, Almaty jáne Jetisý oblystarynyń soltústik jartysynda.

Aqpan

Aqpan aıynda ortasha aýa temperatýrasy:

Klımattyq normadan 1–3°S joǵary: respýblıkanyń basym bóliginde;

Klımattyq norma shamasynda: respýblıkanyń soltústigi men shyǵysynda (Soltústik Qazaqstan jáne Shyǵys Qazaqstan oblystarynda, Pavlodar oblysynyń basym bóliginde, Abaı oblysynyń soltústik-shyǵys jartysynda, Qostanaı jáne Aqmola oblystarynyń soltústiginde).

Jaýyn-shashyn mólsheri boıynsha boljam:

Respýblıkanyń basym bóliginde normadan joǵary;

Klımattyq norma shamasynda: eldiń batys jartysynda (Batys Qazaqstan, Atyraý jáne Túrkistan oblystarynda, Aqtóbe, Mańǵystaý, Qostanaı jáne Qyzylorda oblystarynyń basym bóliginde, Ulytaý oblysynda, Aqmola oblysynyń qıyr ońtústik-batysynda, Qaraǵandy jáne Jambyl oblystarynyń qıyr batysynda);

Normadan tómen: Mańǵystaý oblysynyń ońtústik-shyǵys jartysynda, Aqtóbe oblysynyń ońtústiginde jáne Qyzylorda oblysynyń ońtústik-batysynda.