Elde AES-ti kim salatyny 2025 jyldyń birinshi jartysynda belgili bolady
ALMATY. KAZINFORM – Energetıka mınıstri Almasadam Sátqalıev Qazaqstanda atom elektr stansasyn (AES) salatyn konsortsıýmǵa qatysýshylar 2025 jyldyń birinshi jartyjyldyǵynda anyqtalatynyn aıtty.
– Bastapqyda kelesi jyly AES qurylysyna qatysýshylardy anyqtaýdyń sońǵy formaty týraly sheshim qabyldanady dep josparlanǵan. Prezıdenttiń sońǵy tapsyrmasyna sáıkes, komıssııa bul jumysty jedeldetip, jaqyn arada tıisti sheshim qabyldaıtyn bolady. 2025 jyldyń birinshi jartyjyldyǵynda qatysýshylardy tańdaý boıynsha sheshim shyǵady, – dedi energetıka mınıstri Almasadam Sátqalıev.
Mınıstr atom elektr stantsııasyn salý óte uzaq protsess ekenin atap ótti.
– Jobalaý 3 jylǵa, al qurylys 8-14 jylǵa deıin sozylady,– dedi ol.
Buǵan deıin Prezıdent Qazaqstandaǵy atom elektr stantsııasynyń qurylysyn jedeldetýdiń mańyzyn atap ótken bolatyn.