Elde AES salynsa, qurylys barysyn qandaı uıym qadaǵalaıdy

ASTANA. KAZINFORM – Úkimet otyrysynda Premer-mınıstr Oljas Bektenov AES salý týraly sheshim qabyldansa, qurylystyń jobasy men barysyn kim qadaǵalaıtynyn aıtty.

«Zamanaýı Atom elektr stantsııalary kóp deńgeıli qaýipsizdik júıesimen jabdyqtalǵan. Qazaqstanda Atom elektr stantsııasyn salý týraly sheshim qabyldanǵan jaǵdaıda ony jobalaý, salý jáne paıdalaný kezinde MAGATE-niń halyqaralyq qaýipsizdik standarttary qatań basshylyqqa alynatyn bolady», - dedi Úkimet basshysy.

Sondaı-aq ol Qazaqstanda AES salynsa, ýran baǵasynyń aýytqýy bizdegi elektr qýatynyń tarıfine áser etpeıdi dep sendirdi.

«Sonymen qatar shıkizat bazasy ózimizde, ıaǵnı ýran baǵasynyń aýytqýy bizge áserin tıgizbeıdi. Bul elektr energııasyna turaqty ári boljamdy tarıfterdi qamtamasyz etýge múmkindik beredi», - dedi Premer-mınıstr.

Eske sala keteıik, buǵan deıin Premer-mınıstr Oljas Bektenov Úkimet otyrysynda atom energetıkasynyń sý, jel, kún energetıkasynan artyqshylyǵy qandaı ekeni týraly paıymyn aıtqan edi.