Elde Abaı esimdi 19 myńǵa jýyq adam bar
ASTANA. KAZINFORM – Búginde Qazaqstanda Abaı esimdi 18 961 adam turady.
10 tamyz – Abaı kúni atalyp ótedi. Osyǵan oraı uly aqynnyń esimine qatysty qyzyqty statıstıkany usynamyz.
Búginde Qazaqstanda Abaı esimdi 18 961 adam turady. Bul esim eń kóp taralǵan óńirler – Astana qalasy (2 186 adam), Túrkistan oblysy (2 008 adam) jáne Almaty qalasy (1 740 adam).
Abaı esimdi eń úlken jastaǵy qazaqstandyq 1932 jyly týǵan. Al bul esimdi ıelengenderdiń arasynda 30-34 jas aralyǵyndaǵy azamattar sany basym – 3 267 adam.
Abaı esimi jańa týǵan sábılerge de jıi qoıylady. Bıylǵy jyldyń alǵashqy jartysynda 91 balaǵa osy esim berilgen.
Qazaqstanda Abaı esimdi 9 áıel tirkelgen. Sonymen qatar Ibrahım, Ibragım jáne Ibrahım esimderin ıelengen 37 844 adam bar.
Uly aqynnyń esimi elimizdiń geografııalyq ataýlarynda keńinen kórinis tapqan. Qazirgi tańda Abaı esimimen 1 oblys, 1 qala, 3 aýdan jáne 26 aýyl atalady.
Aıta ketelik Qasym-Jomart Toqaev el halqyn Abaı kúnimen quttyqtaǵan edi.
