Elde 9,1 mıllıon iri qara tirkeldi — AShM

ASTANA. KAZINFORM — El aýmaǵynda 9,1 mln bas iri qara mal tirkeldi. Bul týraly Aýyl sharýashylyǵy vıtse-mınıstri Amanǵalı Berdalın málim etti.

— Búginde el aýmaǵynda 9,1 mln bas iri qara mal, 23,7 mln usaq mal, 4,7 mln jylqy, 302 myń túıe jáne 569 myń shoshqa tirkelgen, — dedi A. Berdalın Senatta veterınarııalyq qyzmet taqyrybyn talqylaýǵa arnalǵan Úkimet saǵatynda.

Onyń sózine qaraǵanda, mınıstrlik qabyldaǵan sharalardyń arqasynda ettiń barlyq túrlerin óndirý kólemi 914 myń tonnaǵa deıin ulǵaıdy, soǵan sáıkes sıyr eti men qoı etiniń eksporty 60,8 myń tonnaǵa deıin ósti.

Eske salsaq, 2024 jyldyń 11 aıynda et eksportynyń kólemi 73 myń tonnaǵa jetti, al 2023 jyldyń 11 aıynda bul kórsetkish 50 myń tonna bolǵan. Negizgi eksporttyq naryqtar: Ózbekstan, Reseı, Qyrǵyzstan.

Buǵan deıin 2025 jyldyń 7 aıynda 608,8 myń tonna et óndirilgenin jazǵan edik.