Elde 6,5 mln tonna astyq bastyryldy

ASTANA. KAZINFORM – Egin jınaý naýqany qarqyndy júrgizilip jatyr. Búgingi kúnge deıin 4,6 mln gektar dándi daqyldar jınalyp, bul jalpy egis alqabynyń 28,5%-yn qurady. Bul týraly AShM baspasóz qyzmeti habarlady. 

Bastyrylǵan astyq kólemi 6,5 mln tonna.

Dándi daqyldardan bólek, aýyl sharýashylyǵy taýaryn óndirýshiler 131 myń tonna maıly daqyldar, 778,1 myń tonna kartop (ónimdiligi 238,6 ts/ga), 2 mln tonnadan astam kókónis (ónimdiligi 290,3 ts/ga), 2,1 mln tonna baqsha daqyldaryn (ónimdiligi 274,7 ts/ga) jınady.

Sonymen qatar 347,4 myń tonna qyryqqabat (ónimdiligi 370,2 ts/ga), 418 myń tonna pııaz (ónimdiligi 396,5 ts/ga), 129,3 myń tonna sábiz (ónimdiligi 311,3 ts/ga) jınaldy.

Egin jınaý naýqany uıymdasqan túrde jáne ońtaıly agrotehnıkalyq merzimde júrgizilip jatyr. 

Aıta ketelik Qyzylorda oblysynda kúrish jınaý naýqany bastaldy.