Elde 400-den astam qosymsha bilim berý uıymy ashyldy

ASTANA. KAZINFORM — 2025 jyly balalardy qosymsha bilim berýmen qamtý 3,2 mln baladan 3,4 mln-ǵa deıin ulǵaıdy. Bul týraly Oqý-aǵartý mınıstrliginiń baspasóz qyzmeti habarlady. 

Olardyń 62%-y tegin úıirmeler men sektsııalarǵa qatysady-bul ótken jylmen salystyrǵanda 10%-ǵa artqanyn kórsetedi.

2025 jyly balalardy qosymsha bilimmen qamtý oqýshylardyń jalpy sanynan 3,2 mln-nan 3,4 mln-ǵa deıin ósti. Olardyń 62 paıyzy tegin úıirmeler men sektsııalarǵa barady, bul kórsetkish ótken jylmen salystyrǵanda 10 paıyzǵa joǵary.

Búginge elimizde 380 túrli baǵyttaǵy úıirmeler boıynsha qyzmet kórsetetin 2142 mektepten tys uıym jumys isteıdi.

Aıta óteıik, qosymsha bilimmen qamtylǵan balalardyń úlesi 2020 jyly 63,5% bolsa, 2025 jyly 87,2%-ǵa deıin ósti.

— Oqý-aǵartý mınıstrligi turǵylyqty jerine qaramastan, balalardyń barlyq sanattary úshin qosymsha bilimge teń qoljetimdilikti qamtamasyz etýge erekshe nazar aýdarady. Ótken jyly elimizde 1713 mektepten tys uıym jumys istese, bıyl olardyń sany 25%-ǵa artyp, 400-den astam jańa qosymsha bilim berý uıymy ashyldy, — dep atap ótti Tárbıe jumysy jáne qosymsha bilim berý departamentiniń basqarma basshysy Altaı Rahymberlın.

Memleket basshysynyń tapsyrmasy boıynsha elimizdiń 12 óńirinde 22 oqýshylar saraıynyń qurylysy júrgizilýde. Onyń ishinde 5 qosymsha bilim berý nysany Soltústik Qazaqstan, Pavlodar oblystary men Almaty jáne Shymkent qalalarynda paıdalanýǵa berildi. 

Aıta ketelik tegin úıirmelerge qatysty Astananyń 6 aýdanynda ata-analarǵa arnalǵan konsýltatsııalyq pýnkter ashyldy.