Elde 37,8 mln tonna mal azyǵy daıyndaldy

ASTANA. KAZINFORM — Jergilikti atqarýshy organdardyń derekterine súıensek, elimizde barlyǵy 37,8 mln tonna mal azyǵy daıyndalǵan.

Onyń ishinde: 25,0 mln tonnasy shóp (101,9%), 1,9 mln tonnasy pishendeme (112,9%), 3,9 mln tonnasy qurama jem (71,7%), 2,0 mln tonnasy súrlem (102,3%), 4,8 mln tonnasy saban (101,7%).

Jospardyń oryndalýy boıynsha Soltústik Qazaqstan, Shyǵys Qazaqstan, Almaty, Qyzylorda, Jambyl, Qostanaı, Pavlodar oblystary, Ulytaý jáne Jetisý óńirleri eń joǵary nátıje kórsetken.

Daıyndalǵan mal azyǵynyń kólemi 2025–2026 jyldardaǵy mal qystatý naýqanyn qolaıly ótkizýge jáne mal sharýashylyǵy kásiporyndaryn turaqty túrde jem-shóppen qamtamasyz etý úshin qajetti qor jasaýǵa múmkindik beredi. 

Aıta ketelik egin jınaý naýqany barysynda 26,4 mln tonna astyq bastyryldy.