Elde 35 shaqyrym jylý jelisi jóndeldi
ASTANA. KAZINFORM – Bıylǵy jyly josparǵa sáıkes 377 shaqyrym jylý jelisin rekonstrýktsııalaý jáne kúrdeli jóndeý kózdelgen. Bul týraly Energetıka mınıstrligi habarlady.
Qazaqstanda aldaǵy jylytý maýsymyna daıyndyq aıasynda jylý jelilerin rekonstrýktsııalaý jáne jóndeý boıynsha aýqymdy jumys jalǵasyp jatyr.
— Bıylǵy jyly josparǵa sáıkes 377 shaqyrym jylý jelisin rekonstrýktsııalaý jáne kúrdeli jóndeý kózdelgen. Sonyń ishinde Energetıka jáne kommýnaldyq sektorlardy jańǵyrtý jónindegi ulttyq joba aıasynda 2026 jyly 130 shaqyrym jylý jelisin qaıta jańǵyrtý josparlanǵan, — delingen habarlamada.
Josparlanǵan is-sharalardy iske asyrý nátıjesinde elimizdegi jylý jelileriniń ortasha tozý deńgeıin 50%-dan 48%-ǵa paıyzǵa deıin tómendetý kútilýde.
Jumystar bekitilgen kestege sáıkes júrgizilýde jáne jylýmen jabdyqtaý júıesiniń senimdiligin arttyrýǵa, tehnologııalyq buzýshylyqtardy azaıtýǵa, sondaı-aq kúzgi-qysqy kezeńniń turaqty ótýin qamtamasyz etýge baǵyttalǵan.
— Búginde respýblıkanyń 16 óńirinde jalpy uzyndyǵy 152 shaqyrym jylý jelisinde jóndeý jumystary júrgizilýde. Onyń ishinde 35 shaqyrym jelide jumystar tolyq aıaqtaldy, — delingen habarlamada.
Aıta ketelik Úkimet Abaı oblysynyń jylý jelilerin jylytý maýsymyna daıyndaýǵa 2,5 mlrd teńge bólgen edi.
