Elde 30,1 mln tonna mal azyǵy daıyndaldy
ASTANA. KAZINFORM — Qazirgi ýaqytta 24,1 mln tonna shóp daıyndaldy, bul jospardyń 94%-yna teń.
Óńirlerde mal azyǵyn daıyndaý naýqany jalǵasyp jatyr.
Oblys ákimdikteriniń jedel málimetterine sáıkes, búgingi tańda aýyl sharýashylyǵy taýaryn óndirýshiler aldaǵy qys mezgilinde maldy qorada ustaý kezeńine qajetti 30,1 mln tonna mal azyǵyn daıyndady. Bul josparlanǵan kólemniń shamamen 73%-yn quraıdy.
Qazirgi ýaqytta 24,1 mln tonna shóp daıyndaldy, bul jospardyń 94%-yna teń. Sonymen qatar 2,2 mln tonna pishendeme (jospardyń 96,2%-y), 1,1 mln tonna qunarly jem, 837,8 myń tonna súrlem jáne 1,8 mln tonna saban ázirlendi.
Qysqy kezeńde mal sharýashylyǵynyń turaqty jumysyn qamtamasyz etý jáne saqtandyrý qorlaryn qalyptastyrý maqsatynda «Azyq-túlik kelisimshart korporatsııasy» AQ 201,3 myń tonna astyq kóleminde jemshóp qoryn jasaqtady. Qajet bolǵan jaǵdaıda bul qor aýyl sharýashylyǵy taýaryn óndirýshilerdi jemshóppen qamtamasyz etý úshin paıdalanylady.
Aýyl sharýashylyǵy mınıstrligi óńirlerdiń ákimdikterimen birlesip, mal azyǵyn daıyndaý naýqanynyń barysyn turaqty baqylaýda ustap otyr. Júrgizilip jatqan monıtorıng pen rezervterdiń ýaqtyly qalyptastyrylýy mal sharýashylyǵy sharýashylyqtaryn qajetti jemshóp bazasymen qamtamasyz etýge jáne aldaǵy qysqy kezeńnen turaqty ótýge baǵyttalǵan.
Aıta ketelik aýyl sharýashylyǵy tehnıkasyn jańartýǵa 350 mlrd teńge bólingen edi.
