Elde 3 myńnan astam bala polıtsııanyń esebinde tur - ІІM
ASTANA. KAZINFORM – Polıtsııa esebinde turǵan balalardy áleýmettik paıdaly jumysqa jáne sportqa tartý jumystaryn kúsheıtý kerek. Bul týraly Úkimet otyrysynda Іshki ister mınıstri Erjan Sádenov málim etti.
- Tártibi jaǵynan «qıyn» jasóspirimderdi anyqtap, baqylaýda ustaımyz. Qazir 3 myńnan astam bala polıtsııanyń esebinde. Olarmen tıisti jumys júrgizilip jatyr – áleýmettik paıdaly jumysqa jáne sportqa tartylyp jatyr. Degenmen, jergilikti organdar tarapynan mundaı balalardyń tek 60%-y ǵana qamtylǵan, - dedi E. Sádenov.
Osy oraıda ákimdikterge jazǵy demalysta oqýshylardyń bos ýaqytyn tıimdi uıymdastyrýdy qamtamasyz etý usynyldy.
- Sonymen qatar, búginde balalardyń terezeden qulaýy, sý qoımalarynda qaza bolýy, kólikpen balalardy qaǵý jaǵdaılary kóbeıdi. ІІM tarapynan olardyń aldyn alýǵa baǵyttalǵan túsindirý jumystary júrgizilip jatyr, - dedi mınıstr.
Budan buryn habarlanǵandaı, oqýshylardyń jazǵy demalysy ortalyqtaryna polıtsııa ınspektorlary bekitildi.
