Elde 27,6 mln tonna mal azyǵy daıyndaldy

ASTANA. KAZINFORM – Jergilikti atqarýshy organdardyń málimetinshe, 22,3 mln tonna shóp (jospardyń 91%-y), shamamen 1,8 mln tonna senaj (102,5%), 1,2 mln tonna qurama jem (21%), 700 myń tonna súrlem (34,4%), 1,6 mln tonnadan astam saban (34,9%) daıyndaldy. Bul týraly AShM habarlady. 

2025–2026 jyldardaǵy qystaq maýsymyna daıyndyq aıasynda aýyl sharýashylyǵy janýarlaryna arnalǵan mal azyǵyn daıyndaý jumystary belsendi jalǵasyp jatyr.

Belsendi jumys Soltústik Qazaqstan oblysynda (115,2%), sondaı-aq Aqmola, Qostanaı, Shyǵys Qazaqstan oblystarynda jáne Shymkent qalasynda (100%), Jetisý oblysynda (99,5%) baıqaldy.

Daıyndalǵan mal azyǵynyń kórsetilgen kólemderi josparly ónim men tól alý úshin tolyqqandy azyqtandyrýdy, sondaı-aq jalpy mal basynyń saqtalýyn qamtamasyz etedi.

Jalpy respýblıkadaǵy mal azyǵymen qamtý jaǵdaıy turaqty. 

Aıta ketelik elde 6,5 mln tonna astyq bastyryldy.