Elde 24 saǵat boıy habar taratatyn 3 telearna ashylady - Memlekettik hatshy
ASTANA. Jeltoqsannyń 9-y. QazAqparat /Jasulan Amanbaıuly/ - Elimizde 24 saǵat boıy habar taratatyn 3 birdeı telearna ashylady. Bul týraly búgin Memlekettik tildi damytý prezıdenttik qory qamqorshylyq keńesiniń otyrysynda keńes tóraǵasy, Memlekettik hatshy - Syrtqy ister mınıstri Qanat Saýdabaev jarııa etti,
dep habarlaıdy QazAqparat.
«Memlekettik tildiń aıasyn keńeıtý jumystaryn iske asyrýdy josparlap otyrmyz. Sonyń ishinde otandyq telearnalarda memlekettik tildegi habarlardyń úlesin arttyrýǵa barynsha mańyz berildi. Eń bastysy, Qazaqstanda sandyq teledıdarǵa kóshý aıasynda elimizde tek memlekettik tilde 24 saǵat boıy habar taratatyn 3 birdeı telearna ashý qarastyrylyp otyr», dedi ol.
Memlekettik hatshynyń atap kórsetkenindeı, olar aqparattyq-tanymdyq, áleýmettik-mádenı, tarıhı-patrıottyq baǵyttaǵy telearnalar bolady dep josparlanýda. Arnalardyń bireýin «Mádenıet», ekinshisin oqý-aǵartýshylyq baǵyttaǵy «Zerde», al úshinshisin búldirshinderge arnalǵan «Balaýsa» dep ataǵan jón degen pikirler de bar kórinedi.
«Arnalardyń ataýyna qatysty aıtarym, bul - túpkilikti sheshim emes. Keleshekte ózderińizben birge bas qosa otyryp, jańa telearnalardyń attaryn jaqsylap oılastyrý qajet», deıdi Q. Saýdabaev.
