Elde 20 mln tonnaǵa jýyq mal azyǵy daıyndaldy
ASTANA. KAZINFORM — Qazirgi ýaqytta 17,1 mln tonna pishen, 1,5 mln tonna pishendeme, 362,3 myń tonna qurama jem, 91,7 myń tonna súrlem jáne 777,2 myń tonna saban daıyndaldy.
Óńirlerde mal azyǵyn daıyndaý naýqany jalǵasyp jatyr. Oblys ákimdikteri usynǵan jedel derekterge sáıkes, aýyl sharýashylyǵy taýaryn óndirýshileri 19,8 mln tonna mal azyǵyn daıyndady. Bul aldaǵy qysqy maldy qorada ustaý kezeńine qajetti josparly pishen kóleminiń shamamen 77%.
Qazirgi ýaqytta 17,1 mln tonna pishen, 1,5 mln tonna pishendeme, 362,3 myń tonna qurama jem, 91,7 myń tonna súrlem jáne 777,2 myń tonna saban daıyndaldy.
Qysqy maldy qorada ustaý kezeńine qajetti jemshóp qoryn qalyptastyrý jáne saqtandyrý qoryn jasaý maqsatynda «Azyq-túlik kelisimshart korporatsııasy» AQ 201,3 myń tonna kóleminde jemdik astyq qoryn qalyptastyrdy. Qajet bolǵan jaǵdaıda bul qor aýyl sharýashylyǵy taýaryn óndirýshilerdi jemshóppen qamtamasyz etý úshin paıdalanylady.
— Mal azyǵyn daıyndaý naýqany elimizdiń barlyq óńirinde jalǵasyp jatyr. 2026–2027 jyldardaǵy qysqy maldy qorada ustaý kezeńine deıin 25,7 mln tonna pishen, 2,3 mln tonna pishendeme, 2,8 mln tonna súrlem, 4,8 mln tonna saban jáne 5,7 mln tonna qurama jem daıyndaý josparlanyp otyr, — delingen mınıstrlik habarlamasynda.
Qazaqstan Respýblıkasy Aýyl sharýashylyǵy mınıstrligi óńir ákimdikterimen birlesip, mal azyǵyn daıyndaý naýqanynyń barysyn turaqty baqylaýda ustap otyr. Turaqty monıtorıng júrgizý jáne rezervterdi ýaqytyly qalyptastyrý mal sharýashylyǵy kásiporyndaryn qajetti jemshóp qorymen qamtamasyz etýge jáne olardyń aldaǵy qysqy maldy qorada ustaý kezeńine tolyq daıyn bolýyna baǵyttalǵan.
Aıta ketelik aýyl sharýashylyǵy jerleri elektrondy formatta bólinetini týraly jazǵan edik.
