Qazaqstanda 172 jazǵy lager qaýipsiz dep tanyldy
ASTANA.KAZINFORM — Belgilengen qaýipsizdik talaptaryna sáıkes keletin 172 maýsymdyq balalardy saýyqtyrý ortalyǵy oń sanıtarııalyq-epıdemıologııalyq qorytyndy aldy.
Maýsym bastalar aldynda sanıtarııalyq-epıdemıologııalyq qyzmet mamandary aýyz sýdyń sapasyn, as bloktarynyń, turǵyn úı-jaılardyń, aýmaqtardyń, jaǵajaılar men basseınderdiń jaı-kúıin tekserdi. Sanıtarııalyq qorytyndysyz lagerlerdiń qyzmetine jol berilmeıdi.
Densaýlyq saqtaý mınıstrligi balalardy saýyqtyrý uıymdarynyń jumysyn ár aýysym boıy turaqty baqylaýdy da uıymdastyrdy.
Ata-analarǵa Sanıtarııalyq-epıdemıologııalyq baqylaý komıtetiniń resmı saıtynda únemi jańartylyp otyratyn sanıtarııalyq-epıdemıologııalyq qorytyndysy bar lagerlerdiń tizbesimen aldyn ala tanysý usynylady.
Vedomstvoda balalardyń qaýipsiz ári salaýatty demalysyn qamtamasyz etý jazǵy saýyqtyrý naýqanynyń basym baǵyttarynyń biri bolyp qala beretini atap ótildi.
Aıta ketelik sanıtarııalyq qorytyndysy joq lagerler balalardy qabyldaı almaıdy.
