Elde 100 jastan asqan qansha adam zeınetaqy alyp júr
ASTANA. KAZINFORM — Qazaqstanda zeınetaqy tólemderin alýshylar arasynda jasy 100-den asqan 300 azamat bar.
Elimizdegi eń qart azamat Ulytaý oblysynda turady. Ol 116 jasqa tolǵan týǵan kúnin atap ótken.
100 jáne odan joǵary jastaǵy azamattar sany boıynsha Almaty kósh bastap tur. Megapolıste 41 júzjyldyq turady.
Uzaq ómir súrýshiler sany boıynsha ekinshi orynda Túrkistan oblysy ornalasqan. Munda 100 jastan asqan 32 adam bar. Al Almaty oblysynda osyndaı jastaǵy 25 azamat turady.
Eń qart qazaqstandyqtardyń qatarynda Ulytaý oblysynyń 116 jastaǵy turǵyny, Pavlodar oblysynyń 114 jastaǵy turǵyny jáne Qostanaı oblysynyń 111 jastaǵy turǵyny bar.
Aıta keteıik, jyl saıyn 1 qazanda Qazaqstanda jáne álemniń kóp elinde Halyqaralyq qarttar kúni atap ótiledi. Bul merekeni 1990 jylǵy 14 jeltoqsanda Birikken Ulttar Uıymy Bas Assambleıasynyń 45-sessııasy jarııalaǵan.
Merekeniń basty maqsaty — egde jastaǵy adamdardyń memleket pen qoǵam aldyndaǵy eńbegin qurmetteý jáne moıyndaý, sondaı-aq olardyń problemalary men qajettilikterine, ómir súrý sapasyn arttyrý máselesine nazar aýdarý.
Aıta keteıik, 2026 jyldyń basynda Qazaqstanda 60 jastan asqan halyq sany 2 923 472 adam boldy.
Eske salaıyq, qarttar kúnine oraı 274 myń adamǵa 3,8 mlrd teńge kómek kórsetiletinin jazǵanbyz.
