Elde 1 paıyzdyq ıpoteka iske qosyldy

ASTANA. KAZINFORM – Elde «Dıplommen aýylǵa» 1 paıyzdyq ıpotekalyq baǵdarlamasyna ótinimder qabyldaý bastaldy. Bul týraly Otbasy banki habarlady.

Baǵdarlamaǵa kimder qatysa alady:

Bilim berý, densaýlyq saqtaý, áleýmettik qamtamasyz etý, agroónerkásip kesheni (AÓK), mádenıet, sport salalarynyń, sondaı-aq aýyldyq okrýg ákimderi apparattaryndaǵy memlekettik qyzmetkerler (ákimder men olardyń orynbasarlarynan basqa) qatysa alady.

Ol úshin  Baspana Market platformasynda tirkelip, ótinimdi onlaın toltyryp, qujattardy ETsQ arqyly qol qoıasyz.

Baǵdarlama ne beredi:

• kóterme járdemaqy – bir rettik tólem: 100 AEK;
• turǵyn úıdi satyp alý nemese salý úshin jyldyq 1% mólsherlememen jeńildetilgen nesıe (JTSM – 1%);
• maksımaldy nesıe somasy – 2 500 AEK-ke deıin (eldi meken túrine baılanysty);
• nesıe merzimi – 15 jylǵa deıin

Aıta ketelik ıpotekalyq nesıe mólsherlemesin tómendetetin jańa ádisteme ázirlenetini týraly jazǵan edik.