Eldar Baqpaev Abaı oblysy ákimi apparatynyń basshysy bolyp taǵaıyndaldy

ASTANA. KAZINFORM – Prezıdent Ákimshiliginiń kelisimimen, Abaı oblysynyń ákimi Berik Ýálıdiń ókimimen 2025 jyldyń 30 sáýirinen bastap Eldar Qusmanuly Baqpaev oblys ákimi apparatynyń basshysy laýazymyna taǵaıyndaldy.

Aımaq basshysy búgin oblys aktıvine tanystyrdy.

Eldar Qusmanuly Baqpaev 1986 jyly 12 sáýirde Shyǵys Qazaqstan oblysy Kúrshim aýdanynda dúnıege kelgen.

2009 jyly S.Toraıǵyrov atyndaǵy Pavlodar memlekettik ýnıversıtetiniń «Jýrnalıstıka» mamandyǵyn, 2021 jyly Qazaq ınnovatsııalyq gýmanıtarlyq-zań ýnıversıtetiniń magıstratýrasyn támamdaǵan, «Ekonomıka ǵylymdarynyń magıstri» akademııalyq dárejesi berilgen.

Eńbek jolyn 2009 jyly Pavlodar qalasyndaǵy «Irbıs TV» telekompanııasynan bastaǵan.

Ár jyldary Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń qoǵammen baılanys departamentiniń basshysy, Qazaqstan Respýblıkasy Prezıdentiniń baspasóz qyzmetiniń sarapshysy, konsýltanty, «Habar 24» telearnasynyń dırektory qyzmetterin atqardy.

Taǵaıyndalǵanǵa deıin Qazaqstan Respýblıkasy Prezıdenti baspasóz hatshysynyń orynbasary bolǵan.

Buǵan deıin Strategııalyq josparlaý jáne reformalar agenttigi apparatynyń basshysy taǵaıyndaldy.