Eldana Tálipova qarsylasy Selın Lı-Lony jeńip, jartylaı fınalǵa shyqty

ASTANA. KAZINFORM – Qazaqstandyq bylǵary qolǵap sheberi Eldana Tálipova Lıverpýlde ótip jatqan álem chempıonatynyń jartylaı fınalyna joldama aldy. 

Áıelder arasynda asa aýyr salmaqta óner kórsetip jatqan burymdy boksshymyz álem birinshiligindegi alǵashqy aıqasyn Jańa Zelandııa ókiline qarsy ótkizdi. 

Otandasymyz 4:1 esebimen jeńiske jetti. 

Anglııanyń Lıverpýl qalasynda ótip jatqan dúbirli doda 14 qyrkúıekke deıin jalǵasady. Sporttyq báseke «Qazaqstan» jáne «Qazsport» telearnalarynan tikeleı efırde kórsetiledi.

Eske sala keteıik, Anglııanyń Lıverpýl qalasynda ótip jatqan álem chempıonatynda búgin Qazaqstan quramasynan 13 boksshy sharshy alańǵa shyǵatynyn jazǵan edik.

Sondaı-aq buǵan deıin Vıktorııa Grafeevanyń jartylaı fınalǵa ótkenin habarlaǵan bolatynbyz.