Elbrýsta aspaly joldaǵy apat saldarynan eki adam mert bolyp, toǵyzy jaraqat aldy
ASTANA. KAZINFORM - Elbrýsta aspaly joldaǵy apat saldarynan eki adam mert bolyp, toǵyzy jaraqat aldy. Qabarda-Balqar bıliginiń málimetterine qaraǵanda, apatqa arqan júretin dóńgelektiń isten shyǵýy sebep bolǵan.
AZERTADJ-dyń habarlaýynsha, zardap shekken adamdar 3,8 myń metr bıiktikten evakýatsııalanyp, óńirdiń aýrýhanalaryna jetkizildi.
Óńirlik densaýlyq saqtaý mınıstrliginiń málimetteri boıynsha, densaýlyq saqtaý mekemeleri jaraqat alǵandardy qabyldaýǵa daıyndaldy.
Qabarda-Balqar Tergeýi komıteti eki adamnyń ólimine sebepshi bolǵan talapqa saı kelmeıtin qyzmet kórsetý isi boıynsha qylmystyq is qozǵady. Aspaly joldyń ıesi «MKD Elbrýs» AAQ.
3-24 qyorkúıek aralyǵynda atalǵan nysanda jóndeý jumystaryn júrgizý josparlanǵany habarlanyp otyr.
Osyǵan deıin Italııada aspaly joldyń arqany úzilip ketip, 12 adam qaza tapqany týraly jazdyq.