Elbrýs taýynda eki alpınıst kóz jumdy
ASTANA. KAZINFORM — Elbrýs taýynda eki alpınıst kóz jumdy. Qutqarýshylar taǵy 4 adamdy izdestirip jatyr, dep habarlaıdy TASS.
Reseı Tótenshe jaǵdaılar mınıstrliginiń málimetinshe, Elbrýs taýynyń 5,1 myń metr bıiktiktegi asýynda 7 alpınıst tómenge qaraı túse almaı, kómek suraǵan. Oqıǵa ornyna Elbrýs bıik taýly izdeý-qutqarý jasaǵynyń qyzmetkerleri attandy.
Keıin jedel qyzmet ókilderi alpınısterdiń biri taýdan túsip, bolǵan jaǵdaıdy aıtyp bergenin habarlady. Onyń sózinshe, taý basynda eki alpınıstiń jaǵdaıy nasharlap, kóz jumǵan.
Kabardın-Balqarııanyń tergeý komıteti eki alpınıstiń qaza bolǵanyn rastady. Jedel qyzmetterdiń málimetinshe, olar — shetel azamattary.
Qazir qutqarýshylar taǵy 4 alpınısti izdestirý jumystaryn jalǵastyryp jatyr.
Tótenshe jaǵdaılar mınıstrligi Kabardın-Balqarııanyń týrıstik baǵyttarynda jalpy sany 1077 adamnan turatyn 130 týrıstik top tirkelgenin atap ótti.
Buǵan deıin Elbrýsqa kóterilý kezinde 11 jastaǵy bala qaza tapty.
Byltyr Elbrýsta aspaly joldaǵy apat saldarynan eki adam mert bolyp, 9-y jaraqat aldy.
