Elbrýs shyńyn baǵyndyrǵan alpınıst jetistigin Saltanat Núkenovaǵa arnady
ASTANA. KAZINFORM – Qazaqstandyq alpınıst Sapfıra Qanaeva Eýropanyń eń bıik núktesi – Elbrýs taýyna sátti kóterildi. Ol taý basyna shyqqan jetistigin Saltanat Núkenovanyń rýhyna arnady.
Sapfıra Qanaeva jaqynda elge oralyp, alǵashqy áserimen bólisti. Tájirıbeli alpınısterden quralǵan komanda óz jolyn 3 mamyr kúni tańerteń bastap, onyń shyńyna birneshe saǵattyq qajyrly eńbekten keıin jetti. Qatysýshylardyń aıtýynsha, aýa raıy kúrdeli boldy jáne barlyq top sátti kóterilgennen keıin lagerge aman oraldy.
«Saltanat men úshin tek shabyt bolǵan joq. Taý shyńyna kóterilý ıdeıasy maǵan Kabardın-Balqardaǵy Teriskólde júrgenimde keldi. Onda men Eýropanyń eń bıik núktesi – Elbrýsqa shyǵyp, jeńisti Saltanatqa arnaýdy josparladym. Boıjetkenniń qaıǵyly óliminiń oqıǵasy kóptegen adamnyń júregin eljiretti. Sonyń ishinde men de barmyn. Men birdeńe istep, taýlardy jyljytyp, ádildikti qalpyna keltirgim keldi», - dep bólisti ol.
5642 metr bıiktikte ornalasqan Elbrýs – kóptegen alpınıst úshin mańyzdy sımvol. Bul taýǵa shyǵý tamasha fızıkalyq daıyndyqty, tájirıbeni jáne tabıǵatty qurmetteýdi talap etedi. Qazaqstandyq alpınıst Sapfıra Qanaeva – «Jeti qurlyqtyń jeti shyńyn» baǵyndyrǵan tuńǵysh qazaq áıeli.
Sportshy Qazaqstannyń týyn Afrıka, Eýropa jáne Ońtústik Amerıkanyń shyńyna tikti.
Buǵan deıin habarlaǵanymyzdaı, quramynda Anar Býrasheva men Maqsat Jumaev bar «Kazakh Everest Team» qazaqstandyq komanda álemniń eń bıik shyńy – Everest shyńyna (8 848 m) sátti kóterildi.
