El boıynsha 5 orman órtke orandy
ASTANA. KAZINFORM — 2026 jyly 24 tamyzda Respýblıka boıynsha 5 orman órti tirkeldi, dep habarlaıdy Ekologııa jáne tabıǵı resýrstar mınıstrliginiń baspasóz qyzmeti.
Óńirler boıynsha:
- Aqtóbe oblysy — 1 órt;
- Qaraǵandy oblysy — 1 órt;
- Batys Qazaqstan oblysy — 1 órt;
- Qostanaı oblysy — 1 órt;
- Semeı MOTR — 1 órt.
— Orman alqaptaryndaǵy órt qaýipsizdigi jaǵdaıyna áýeden jáne jerústi baǵytta turaqty baqylaý júrgizilýde. Baqylaý barysynda órt belgileri anyqtalǵan jaǵdaıda, tıisti kúshter men quraldar jedel túrde oqıǵa ornyna jóneltiledi, — deıdi qutqarýshylar.
Qazir órt oshaqtarynda orman sharýashylyǵy qyzmetkerleri men RMQK «Qazavıaormanqorǵaý» mamandary qajetti jumystardy atqaryp jatyr. Órt sóndirý toptarynyń negizgi maqsaty — jalynnyń taralýyn shekteý, onyń kórshiles aýmaqtarǵa ótýine jol bermeý jáne órtti tolyq sóndirý.
Mamandar órtti oqshaýlaý, janǵan aýmaqty qaýipsizdendirý, sondaı-aq qaıta tutaný qaýpin boldyrmaý boıynsha keshendi sharalar júrgizip jatyr.
— Osyǵan oraı, turǵyndar men tabıǵat aıasyna demalýǵa shyǵatyn azamattardy órt qaýipsizdigi talaptaryn qatań saqtaýǵa shaqyramyz. Orman jáne dala aýmaqtarynda ot jaqqan kezde barynsha saqtyq tanytyp, órt shyǵýyna sebep bolýy múmkin áreketterge jol bermeý qajet. Tabıǵı ortada otty qaraýsyz qaldyrmaı, demalys ornynan keter aldynda onyń tolyq sóndirilgenine kóz jetkizý mańyzdy, — delingen mınıstrlik taratqan habarlamada.
Buǵan deıin Almatyda kabeldik shahtadaǵy órtke baılanysty jedel shtab qurylǵany belgili boldy.
