El boıynsha 1 755 Analar keńesi jumys isteıdi
ASTANA. KAZINFORM — Al keńestiń jumysyna 12 myńnan astam adam atsalysyp keledi.
Respýblıkalyq Analar keńesiniń tóraǵasy, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi Názıpa Shanaı Analar keńesiniń qyzmeti, otbasy ınstıtýtyn nyǵaıtýdaǵy, ulttyq qundylyqtar men qoǵamdyq kelisimdi dáripteýdegi róli týraly aıtty.
— Búginde elimiz boıynsha 1 755 Analar keńesi jumys isteıdi. Onyń jumysyna 12 myńnan astam adam atsalysyp keledi. Keńes qyzmeti otbasyǵa qoldaý kórsetý, turmystyq zorlyq-zombylyq pen jasóspirimder arasyndaǵy quqyqbuzýshylyqtyń aldyn alý, áıelder men balalardyń quqyǵyn qorǵaý, sondaı-aq otbasy jáne ulttyq qundylyqtardy dáripteý baǵyttaryn qamtıdy, — deıdi Respýblıkalyq Analar keńesiniń tóraǵasy.
Aıta keteıik, búgin — Analar kúni. Mereke mamyr aıynyń ekinshi jeksenbisinde AQSh, Kanada, Germanııa, Italııa, Túrkııa, Japonııa, Brazılııa jáne Aýstralııa syndy 20-dan astam memlekette toılanady. Qazaqstanda da ana mártebesin aıqyndaıtyn bul kún erekshe mánge ıe.
Bul rette QR Premer-mınıstriniń orynbasary — Mádenıet jáne aqparat mınıstri Aıda Balaeva analar kúnine oraı quttyqtaý joldady.
