Elbasynyń JOO-daryn bilim ortalyqtarynyń álemdik reıtıngisine engizý týrasyndaǵy tapsyrmasy elimiz úshin laıyqty jáne aýyr mindet, biraq óte ózekti - Joldaýǵa únqatý
ASTANA. Qańtardyń 29-y. QazAqparat /Marlan Jıembaı/ - Elbasynyń qazaqstandyq joǵary oqý oryndaryn bilim ortalyqtarynyń álemdik reıtıngisine engizý týrasyndaǵy tapsyrmasy jahandyq álemde kóshbasshylyqqa umtylǵan elimiz úshin laıyqty jáne aýyr mindet, biraq óte ózekti.
Bul pikirdi QR Prezıdenti janyndaǵy Memlekettik basqarý akademııasynyń rektory Aryn Orsarıev atalǵan bilim ordasynda Memleket basshysynyń Joldaýynan keıingi ótkizilgen keńeıtilgen otyrysta aıtty.
«Akademııa rektory retinde maǵan jáne bárimizge de Prezıdenttiń qazaqstandyq joǵary oqý oryndaryn bilim ortalyqtarynyń álemdik reıtıngisine engizý týrasyndaǵy tapsyrmasy qatysty. Bul laıyqty jáne aýyr mindet, degenmen jahandyq álemde kóshbasshylyqqa umtylǵan elimiz úshin óte ózekti. Osyǵan oraı biz eń bedeldi sheteldik oqý oryndarymen yntymaqtastyqty tereńdetý baǵytynda jumys isteımiz», dedi Akademııa basshysy.
A.Orsarıevtiń aıtýynsha, Akademııa óz túlekterine eki dıplom berý júıesin engizýge baılanysty jumystardy bastap ta ketken. Máselen, aǵymdaǵy jyly Akademııanyń 20 túlegi osy oqý ornynyń dıplomymen qatar memlekettik basqarý salasynda álemdik úzdik 10 JOO qataryna engen Sıngapýr Memlekettik saıasat mektebiniń dıplomyn alyp shyǵady. Sonymen qatar aǵymdaǵy jyly Akademııanyń 116 tyńdaýshysy sheteldik bedeldi ýnıversıtetterden tálimdemeden ótpek.
