Elbasynyń Joldaýynda kóterilgen ındýstrııalandyrý máseleleri óte mańyzdy - M. Balabaeva

/strong>Aqpannyń 9-y. QazAqparat / Ádilet Musahaev / - Elbasynyń bıylǵy Joldaýy - Táýelsiz Qazaqstan tarıhyndaǵy mańyzdy qadamdardy aıqyndap otyrǵan strategııalyq baǵdarlama. Bul - jańa kezeń bastaýy, bul - jańa josparlar. Bul - jańa jetistikterge umtylys. Bul jaıynda Almaty qalasy Alataý aýdany ákiminiń orynbasary Marjan Balabaeva Prezıdenttiń jańa Joldaýyn talqylaý barysynda aıtty,

dep habarlaıdy QazAqparat.

M.Balabaevanyń aıtýynsha, Elbasynyń Joldaýynda kóterilgen ındýstrııalandyrý máseleleri óte mańyzdy. Qazirgi zaman talaptaryna saı joǵary tehnologııalyq ekonomıka qurý, bul turaqty ekonomıkalyq ósimniń kepili. Búkil álemdik qaýymdastyqpen yqpaldasý úrdisi ýaqytynda básekege qabiletti kásipkerlikti qurý arqyly biz Elbasynyń qoıǵan talaptary men mindetterin júzege asyra alamyz.

«Prezıdentimizdiń «Jańa onjyldyq - jańa ekonomıkalyq órleý - Qazaqstanyń jańa múmkindikteri» atty Joldaýy ótken onjyldyqta jetken jetistikterdi qorytyndylaǵan, aldaǵy onjyldyqta elimizdi kórkeıtýge baǵyttalǵan «halqymyz úshin qajetti, táýelsiz elimizdiń tarıhy úshin derekti» qujat bolyp tabylady.

Sońy on jyl ishinde Elbasymyzdyń basshylyǵymen Jańa Qazaqstandy qurý baǵytynda eren eńbek atqaryldy. Elbasymyzdyń barlyq bastamalary jospardaǵydaı iske asyp, árdaıym qazaqstandyqtardyń kóńilinen shyqty. Atap aıtqanda, elimizdegi ortasha aılyq jalaqy 5 esege, al zeınetaqynyń ortasha mólsheri 3 esege ósken», deıdi ákim orynbasary.

Sonymen qatar ol 2020 Startegııalyq jospary - el bolashaǵyn anyqtaýshy baǵdarlama ekenin jetkizdi. «Joldaýda Elbasy qoǵamdyq ómirdiń barlyq salasyn qamtyǵan. Árbir azamat Joldaýdan ózin tolǵandyratyn suraqqa jaýap taba alady. Budan óz kezeginde árbir adamǵa, árbir januıaǵa jasalǵan qamqorlyqtyń kórinisin baıqaýǵa bolady», deıdi M.Balabaeva.