Elbasynyń Joldaýyn tikeleı efırden S.Seıfýllın atyndaǵy QazATÝ-dyń ujymy men stýdentteri birge tyńdady
ASTANA. 27 qańtar. QazAqparat - 27 qańtarda tikeleı efırden kórsetilgen Qazaqstan Respýblıkasy Prezıdenti Nursultan Nazarbaevtyń «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Qazaqstan halqyna Joldaýyn Astanadaǵy S.Seıfýllın atyndaǵy Qazaq agrotehnıkalyq ýnıversıtetiniń ujymy men stýdentteri birge tyńdady. Bul týraly oqý ornynyń baspasóz qyzmetinen habarlady.
Elbasy óz Joldaýynda mańyzdy 10 baǵyt boıynsha maqsattar keshenin iske asyrý qajettigin jáne eń bastysy, qazaqstandyqtardyń eńbekpen qamtylýy ekendigin qadap aıtty.
«Joldaýda Qazaqstannyń aýyl sharýashylyǵy jáne bilim berý salalaryna da erekshe kóńil bólingen. Atap aıtsaq, pedagogıkalyq bazalyq bilim berý standarttaryn, mektep jáne JOO ustazdarynyń biliktiligin joǵarylatý talaptaryn kúsheıtý kerektigi, Qazaqstannyń bilim berý úderisine zamanaýı tehnologııalar men ádisterdi engizý qajettigi aıtyldy. Elbasy Joldaýda Qazaqstan 2015 jylǵa qaraı tabysy joǵary elder qataryna qosylýdy kózdep otyrǵanyn aıtty. Bul maqsatqa myǵym bilik arqyly ǵana jete alatynymyzdy atap ótken Memleket basshysy, jańa maqsattar - ekonomıkany nyǵaıtý, halyqtyń ál-aýqatyn arttyrý, sondaı-aq ekonomıkalyq tabys pen qoǵamdyq ıgilikti qamtamasyz etý arasynda tıimdi balansty tabý mańyzdy ekenine toqtaldy. Osynyń barlyǵy ýnıversıtettiń professorlyq-oqytýshylar quramy men stýdentteri tarapynan qyzý qoldaý tapty» - delingen taratylǵan baspasóz málimdemesinde.
