Elbasynyń Joldaýda aıtqan árbir sózi tereńinen oılastyrylyp, ekonomıkalyq turǵydan tarazylanǵany baıqaldy - S.Seıfýllın atyndaǵy QazATÝ professory
ASTANA. 27 qańtar. QazAqparat - Elbasynyń Joldaýda aıtqan árbir sózi tereńinen oılastyrylyp, ekonomıkalyq turǵydan tarazylanǵany baıqaldy.
Memlekettik qurylymdar men jergilikti ákimdikter úshin atalǵan tapsyrmalardy tek oryndaý ǵana qalyp otyr. Bul pikirin Astanadaǵy S.Seıfýllın atyndaǵy Qazaq agrotehnıkalyq ýnıversıtetiniń «Marketıng jáne servıs» kafedrasynyń meńgerýshisi, professor Bazarhan Rústembaev bildirdi.
«N.Nazarbaevtyń Qazaqstan halqyna Joldaýyn zor tebirenispen tyńdadym. Joldaý óziniń naqtylyǵymen kóńilden shyqty, árbir jobaǵa iske asyrýdyń naqty somasy belgilengen. Árbir aıtylǵan sóz tereń oılastyrylyp, ekonomıkalyq turǵydan tarazylanǵany baıqaldy. Memlekettik qurylymdar men jergilikti ákimdikter úshin osy tapsyrmany tek oryndaý ǵana qalyp otyr. Ásirese, bilim berý salasyndaǵy úlken josparlar, ony álemdik standarttarǵa aýystyrý usynysy qýantty. Bul jerde árbir pedagogtyń, árbir ǵalymnyń, árbir jetekshiniń, mınıstrlikter men mekemelerdiń aýqymdy jumys atqarýyna úlken múmkindikter bar. Kóregendi saıasatker retinde Prezıdenttiń memlekettik til jáne jalpyǵa birdeı - orys tili týraly tyńǵylyqty qorytyndylary da unady. Bul másele boıynsha júrgizilip jatqan saıasat esh asyǵyssyz, tereń oılastyrylǵan bolýy qajet», - dedi ol.
B.Rústembaev atap ótkendeı, Joldaýda agrarlyq sektorǵa erekshe oryn berilgendigi, bul salaǵa ınnovatsııalar keńinen endirile bastaıtyndyǵy asa qýantarlyq. «Salaǵa kóńil bólý osy qarqynmen jalǵassa, aldaǵy ýaqytta bul sektordaǵy jaqsy ózgeristerdiń aýyly alys emes. Joldaýda eldi damytýdyń barlyq jaqtary qarastyrylǵan, bul búgingi kúni óte mańyzdy», - dep túıindedi ol.
