Elbasynyń Japonııadaǵy qazaqstandyq stýdenttermen kezdesýi jaıly arhıvtik vıdeo jarııalandy
ASTANA. QazAqparat - Aqordanyń baspasóz qyzmeti Nursultan Nazarbaevtyń japondyq joǵary oqý oryndarynda bilim alyp júrgen qazaqstandyq stýdenttermen kezdesýi jaıly arhıvtik vıdeony jarııalady. Beınejazba 2008 jyly túsirilgen.
Budan buryn habarlanǵandaı, Qazaqstan Prezıdenti 6-9 qarasha aralyǵynda resmı saparmen Japonııada bolady. Tokıoda Japonııanyń ımperatory Akıhıtomen, Premer-Mınıstr S.Abemen jáne isker toptar ókilderimen kezdesý ótedi. Budan bólek, Memleket basshysy Japonııanyń Parlamentinde jáne «Tokaı» ýnıversıtetinde sóz sóıleıdi dep josparlanyp otyr. Sondaı-aq, sapar aıasynda Nursultan Nazarbaev Hırosımadaǵy Beıbitshilik memorıaldyq saıabaǵynda bolyp, «Hırosıma qalasynyń aıryqsha qurmetti azamaty» arnaýly ataǵyn saltanatty túrde tapsyrý rásimine qatysady.
