Elbasynyń jahandyq bastamalarynyń mańyzy artýda - Qaırat Ábdirahmanov
ASTANA. QazAqparat - Búginde Nursultan Nazarbaevtyń jahandyq syrtqy saıası bastamalarynyń mańyzy artyp keledi. Búgin Astanada QR Tuńǵysh Prezıdenti kúnine arnalǵan halyqaralyq parlamenttik konferentsııada QR Syrtqy ister mınıstri Qaırat Ábdirahmanov aıtty, dep habarlaıdy QazAqparat.
«QR Prezıdentiniń syrtqy saıası bastamalary Qazaqstan ustanymynyń belsendi ári teńdestirilgen mańyzdy tetigi bolyp otyr. Bul bastamalar álemdik qoǵamdastyq qatysýshylary tarapynan qoldaýǵa ıe bolýda», - dedi Q. Ábdirahmanov.
Sonymen qatar, mınıstr ótken jyldar mańyzdy oqıǵalarǵa toly bolǵanyn atap ótti.
«Syrtqy saıasatta ózgerister kóp boldy. Táýelsiz Qazaqstan odan ári nyǵaıa tústi. Ásirese, elordamyz Astananyń 20 jyldyǵynyń aýqymdy halyqaralyq deńgeıde toılanýyn atap ótýge bolady. Qazaqstandyq dıplomatııanyń birtindep damýy, bizdiń halyqaralyq arendaǵy rólimiz, ishki saıası-ekonomıkalyq reformalarymyz elordanyń damýyna oń áserin tıgizip otyr dep úlken senimmen aıtýǵa bolady. Tuńǵysh Prezıdentimiz Nursultan Nazarbaevtyń durys júrgizgen syrtqy saıasatynyń arqasynda Qazaqstan halyqaralyq arenada turaqtylyq generatory, qarqyndy gúldený, damý modeli retinde qabyldanady», - dedi Syrtqy ister mınıstri.
Osy oraıda, ol Qazaqstannyń birde-bir memleketpen eki jaqty deńgeıde de, kópjaqty formatta da problemasy joq ekenin eske saldy.
Budan buryn habarlanǵandaı, búgin Astanada QR Tuńǵysh Prezıdenti kúnine arnalǵan «Astana - jahandyq ıntegratsııa, qaýipsizdik jáne beıbitshilik ortalyǵy» taqyrybynda halyqaralyq parlamenttik konferentsııa bastaldy.
Konferentsııa barysynda Ózbekstan Olıı Majlısiniń spıkeri Nýrıdjon Ismoılov Elbasy maqalasyna qatysty pikir bildirdi
